RIB yashyikirije abaturage telefoni zisaga 100 bibwe

Urwego rw’Igihugu rw’Ubugenzacyaha (RIB) rwashyikirije abaturage telefone 160 zari zaribwe mu bihe bitandukanye.

RIB yatangaje izo telefoni zibwe ariko zikanahindurirwa ibirango nyuma zikajya gucuruzwa.

Abafatiwe muri ubwo bujura bakurikiranyweho ibyaha byo kwinjira no guhindura ibiranga ibikoresho bya mudasobwa.

Dr Thierry B. Murangira, Umuvugizi w’Urwego rw’Ubugenzacyaha yavuze ko abantu bakora ibyaha by’ubujura bakwiye kumenya ko batazarusha imbaraga RIB.

Yagize ati “Aba bantu bumva ko bakwiba bagaheza iby’abandi ntabwo barusha inzego z’umutekano ingufu cyangwa ubumenyi. Ntibazatugamburuza turabasaba ko bashaka ubundi buryo babonamo amafaranga.”