Perezida Kagame yakiriye umuyobozi wa BAL na NBA Africa

  • SHEMA IVAN
  • Werurwe 20, 2024
  • Hashize ibyumweru 4
Image

Kuri uyu wa Gatatu tariki 20 Werurwe 2024, Perezida wa Repubulika Paul Kagame yakiriye Umuyobozi mukuru wa NBA Africa Clare Akamazi na Perezida wa Basketball African League BAL Amadou Gallo Fall.

Mu butumwa ibiro by’Umukuru w’Igihugu bwanyujije ku rukuta rwa X bwatangaje ko abayobozi bombi baganiriye ku bufatanye bwa BAL n’u Rwanda ndetse n’imikino ya nyuma ya BAL iteganyijwe kubera i Kigali kuva ku ya 24 Gicurasi kugeza ku ya 1 Kamena 2024.

Muri Kamena 2023, u Rwanda na BAL bongereye amasezerano y’imyaka itanu kugeza 2028 nyuma yaho aya mbere yarangiye tariki 27 Gicurasi 2023.

Aya masezerano avuga ko u Rwanda ruzakomeza kwakira imikino ya nyuma y’iri rushanwa mu 2024, 2026 ndetse na 2028. Ni mu gihe mu 2025 na 2027 ruzakira Imikino yo gushaka itike y’iyi mikino ya nyuma (Conferences).

Muri aya masezerano kandi Sosiyete y’Igihugu y’Ubwikorezi ya RwandAir yakomeje kuba umufatanyabikorwa mu bijyanye n’ingendo haba ku makipe ndetse n’abitabira iyi mikino muri rusange.

Iyi mikino BAL iha umwanya abanyabugeni n’abanyabukorikori b’Abanyarwanda umwanya wo kugaragaza ibikorwa byabo ku bitabiriye iri rushanwa.

  • SHEMA IVAN
  • Werurwe 20, 2024
  • Hashize ibyumweru 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE