Ibitero bya Isiraheli muri Gaza bikabije guhitana abantu- Washington

  • NYIRANEZA JUDITH
  • Gashyantare 9, 2024
  • Hashize amezi 4
Image

Ubwo ingabo za Isiraheli zateraga ibisasu kuri uyu wa Gatanu, tariki ya 9 Gashyantare 2024 muri Rafah umujyi uri mu majyepfo ya Gaza aho Abanyapalestine barenga miliyoni bavanywe mu byabo n’intambara bateraniye, Washington iratinya ko bihitana abantu, nyuma y’uko yivunaga Hamas nayo yari yayigabyeho igitero gikaze.

Ingabo za Isiraheli zakajije umurego mu kurasa ibisasu mu duce twa Rafah, zifatwa nk’ikirenga, nk’ibikabije na Leta Zunze Ubumwe z’Amerika zitinya ko bikomeza guhitana abantu.

Raporo iheruka gutangwa na Minisiteri y’ubuzima ya Hamas, yagejejweho ku wa Kane tariki ya 8Gashyantare, abantu 27.840 biciwe muri Gaza kuva intambara yatangira ku ya 7 Ukwakira 2023. Abapfuye ahanini ni abagore, ingimbi n’abana, hakomeretse 67 317.

Ishami ry’Umuryango w’abibumbye ryita ku bana UNICEF ​​irahamagarira guhagarika ibisasu biterwa muri Gaza ahari abana 600 000 n’imiryango y’abavuye mu byabo.

Nk’uko bitangazwa n’Ibiro ntaramakuru by’Abanyapalesitina WAFA, nibura abantu bane bahitanywe n’ibisasu byatewe na Isiraheli ku ishuri ryakoreraga mu nkambi y’impunzi z’Abanyapalesitina, inkambi iri mu mujyi wa al-Zawayda, rwagati mu karere ka Gaza. Igitero kandi cyakomerekeje abantu benshi mu bitaro bya al-Aqsa Martyrs i Deir al-Balah.

Umunyamabanga Mukuru wa Loni Antonio Guterres, yatangaje ko ababajwe n’igikorwa cyo ku butaka kibasiye abantu. Yanditse ku rubuga X ati: “Igikorwa nk’iki cyarushaho kuba kibi aho ubutabazi ari nk’inzozi muri iki gihe akarere kagerwaho n’ingaruka zitabarika.

Ni mu gihe ku wa Kabiri abahuza hagati ya Isiraheli na Palesitina ari bo Misiri na Qatar ku cyifuzo cy’ihagarikwa ry’imirwano, Hamasa yacyemeraga ariko Isiraheli yagiteye utwatsi.

Ni mu gihe Benyamin Netanyahu yashyize mu bikorwa ibyo guverinoma ye yari imaze iminsi itangaza ati: “Twategetse ingabo za Isiraheli gutegura igitero i Rafah ndetse no mu nkambi ebyiri z’impunzi, aho abona nk’ibirindiro bya nyuma bya Hamas.”

  • NYIRANEZA JUDITH
  • Gashyantare 9, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE