Gukingira Covid-19 byakijije ubuzima bw’abantu miliyoni 2,4

  • NYIRANEZA JUDITH
  • Mutarama 17, 2024
  • Hashize amezi 4
Image

Igikorwa cyo gukingira COVID-19 ku Isi cyarokoye ubuzima bwa miliyoni 2.4 mu bihugu 141 kandi byashoboraga kurokora abagera ku 670.000 iyo inkingo zitangwa ku buryo bungana, nk’uko bitangazwa n’Ikigo cy’ubuzima cya USC Schaeffer gishinzwe ubuzima n’ubukungu na kaminuza ya Brown.

Ibyo byatangajwe bihuriweho n’Ikigo cy’Igihugu cy’ubushakashatsi mu by’ubukungu muri iki cyumweru, na rwo rwahaye agaciro ubuzima bwakijijwe, bwagobotswe ku gaciro ka tiriyari 6.5 z’amadolari, ni ukuvuga hafi 9% by’umusaruro mbumbe rusange w’ibihugu 141.

Abanditsi bavuze ko ubushakashatsi bwerekana ko inkingo n’ubuvuzi ari byiza cyane mu gukumira urupfu kuruta izindi politiki zigamije kugabanya ikwirakwizwa rya virusi.

Urugero, mu bushakashatsi bwabanje, abanditsi ntibasanze  ibihugu by’Amerika byashyize mu bikorwa politiki yo gukumira mbere mu bihugu byari bifite imfu zikabije.

Mu kurokora ubuzima bwa miliyoni 2.4, inkingo zagize akamaro kanini kuruta ibikorwa bitari iby’inzu zigurisha imiti (farumasi) kimwe no kwambara agapfukamunwa nk’uko byavuzwe n’umwanditsi umwe, Neeraj Sood, umuyobozi w’ibikorwa byo kurwanya COVID-19 akaba n’umwe mu bayobozi bakuru mu kigo cya USC Schaeffer.

Virat Agrawal, umunyeshuri mu ishuri rya Leta ya USC Sol na Christopher M. Whaley, umwarimu wungirije mu ishami rya serivisi z’ubuzima, politiki ndetse n’imyitozo mu ishuri ry’ubuzima rusange rya kaminuza ya Brown, na bo banditse ubwo bushakashatsi.

Gahunda yo gukingira COVID-19 ku Isi yose yakingiye byimazeyo abantu barenga miliyari 2 mu mezi umunani ya mbere nyuma yuko itangijwe. Ubushakashatsi bwa mbere bugereranya ingaruka ubukangurambaga bwagize mu guhangana na COVID-19.

Virat ati: “Ubushakashatsi bwacu bugaragaza impinduka zikomeye ku buzima bw’inkingo za COVID-19, inkingo na zo zikagira inyungu nyinshi mu bukungu. Inyungu ni nyinshi.”

Whaley ati: “Ku bijyanye n’ubuzima bwakijijwe ndetse n’agaciro k’ubukungu, ubukangurambaga bwa COVID-19 bushobora kuba igisubizo cy’ubuzima rusange birakibukwa.”

Mu gihe abantu bagera kuri miliyoni 2.4 bapfuye kuva muri Mutarama kugeza Kanama 2021, abashakashatsi banzuye ko abantu bagera ku 670.000 bashoboraga kurokoka iyo inkingo zitangwa ugereranyije n’abaturage b’ibi bihugu 141.

Abanditsi bavuze ko ubu buryo bushingiye ku isoko bwatumye ibihugu byinjiza amafaranga menshi byihuta cyane kuruta ibihugu bikennye kandi biciriritse.

Ubushakashatsi bwerekanye ko iyo urukingo rutangwa mu buryo bungana, ubukangurambaga bwari kuba bwararokoye abantu barenga miliyoni 3.

Virat yongeyeho ati: “Gushyiraho politiki yo gukwirakwiza inkingo ku Isi bizaba ingenzi mu gutegura guhangana n’icyorezo gishobora kuba cyakwaduka.”

  • NYIRANEZA JUDITH
  • Mutarama 17, 2024
  • Hashize amezi 4
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE