Inzego za Leta muri Leta zunze z’Amerika zatangaje ko zataye muri yombi Eric Nshimiye, Umunyarwanda ukekwaho kugira uruhare muri Jenoside yakorewe Abatutsi mu 1994.
Akurikiranyweho ubwicanyi yakoze ubwo yigaga muri Kaminuza y’u Rwanda mu ishami ry’ubuvuzi, i Butare.
Nshimiye yabeshye inshuro nyinshi imyirondoro ye agamije gushaka ubuhungiro, ubwenegihugu ndetse no guhisha uruhare rwe muri Jenoside yakorewe Abatutsi.
Yagejejwe mu Rukiko muri Ohio ejo ku wa Kane tariki 21 Werurwe 2024 nk’uko byatangajwe n’Ibiro Ntaramakuru by’Abanyamerika (Associated Press).
Nshimiye yagize uruhare mu kwica abana n’abakuru ndetse anakekwaho gufata ku ngufu abagore muri Jenoside yakorewe Abatutsi mu 1994.
Mu 1995 yahungiye muri Kenya, ni ho yavuye yerekeza muri Leta zunze ubumwe z’Amerika aho yari afite ubwenegihugu bw’iki gihugu nyuma yo kubeshya inzego zishinzwe abinjira n’abasohoka.
Amaraso yinzirakarengane mwamennye azabakurikirana kugeza mupfuye nabadafatwa ntibazigera bagira amahoro mubuzima bwabo