RDC: Inkambi ituwe n’imiryango 500 yahiye irakongoka

Inkambi ya Mushonezo y’abavanywe mu byabo n’imyuzure bari i Kalehe mu Ntara ya Kivu y’Epfo muri Repubulika Iharanira Demokarasi ya Congo, yibasiwe n’inkongi y’umuriro.

Amakuru avuga ko umuriro watwitse inzu zisaga 400, abantu 8 bapfuye mu gihe abandi 4 bakomeretse.

Bamwe mu baturage bavuga ko uwo muriro watewe n’abana bari batetse.

Inkambi ya Mushonezo yari icumbitsemo imiryango 500 iri muri metero 50 uvuye ku biro bya Teritware ya Kalehe.

Inzu zisaga 400 zari ziyigize, zari zubakishije ibyatsi, izindi nke zubakishije shitingi, zose zahiye zirakongoka.

Yanditswe na KAYITARE JEAN PAUL