Ba Minisitiri b’ingabo b’Amerika n’u Bushinwa bahuye bwa mbere kuva mu 2022

Kuri uyu wa Gatanu, tariki ya 31 Gicurasi, ihuriro rya 21 rya Shangri-La ryahuriye muri Singapour rihuza impuguke n’abayobozi benshi ku Isi ku bibazo by’umutekano mpuzamahanga rizageza ku cyumweru. Ku ruhande rw’uyu munsi wa mbere, habaye inama ikomeye yibanze ku biganiro bitaziguye hagati y’abaminisitiri b’ingabo z’Amerika n’u Bushinwa, bikaba ari ubwa mbere kuva mu 2022.

Byari inama yari itegerejwe cyane. Minisitiri w’ingabo w’u Bushinwa, Wu Qian yatangaje ko abayobozi b’ingabo z’Amerika n’u Bushinwa bagiranye ibiganiro byiza, bifatika kandi byubaka.
Iki kiganiro cyabaye ku ruhande rwa Shangri-La Dialogue, ihuriro ngarukamwaka ry’ingabo ritangira kuri uyu wa Gatanu kugeza ku Cyumweru tariki ya 2 Kamena.

Muri raporo y’ibiganiro byatanzwe na Pentagon, Lloyd Austin yijeje ko Amerika n’u Bushinwa bizakomeza itumanaho rya gisirikare kuri telefoni mu mezi ari imbere.

Bishimangira itangazo ryatangajwe na Perezida Joe Biden w’Amerika na Perezida w’u Bushinwa Xi Jinping mu Gushyingo 2023. Mu by’ukuri, Beijing yari yarahagaritse ibiganiro bya gisirikare na Washington mu mpera za 2022, nyuma y’uruzinduko muri Tayiwani rwa Nancy Pelosi, wari perezida w’Inteko icyo gihe wabahagarariye.
.

Minisitiri w’Amerika kandi yishimiye gahunda yo gutumiza itsinda rishinzwe itumanaho mu mpera z’umwaka. Uyu munsi, iyo nama irangiye, umuvugizi w’ingabo w’u Bushinwa ku ruhande rwe yavuze ko umubano hagati y’ingabo z’u Bushinwa n’Amerika uhagaze neza.

Uruhande rw’u Bushinwa ariko rwavuze ko bidashoboka ko Beijing na Washington byakemura ibibazo byose by’ibihugu byombi mu nama imwe. Inama hagati ya MM. Austin na Dong rero birasaba ibiganiro bishya bya gisirikare mu gihe kizaza hagamijwe kugabanya amakimbirane.

Icyifuzo kimwe gusa, ku kibazo cya Taiwan, umuvugizi w’ingabo z’u Bushinwa yashimangiye ko ibikorwa by’Abanyamerika muri Taiwan binyuranyije cyane n’ihame ry’u Bushinwa. Iki kirwa gishyigikiwe mu buryo bwa gisirikare na Leta zunze ubumwe z’Amerika.

Ibihugu byombi birashaka koroshya amakimbirane hagati y’abo bahanganye bitwaje intwaro za kirimbuzi, biteganyijwe ko Dong Jun na Lloyd Austin bazavuga ijambo mu mpera z’iki cyumweru aho biteganyijwe ko bazabikemura.

Iyo nama yabereye Shangri-La, yahuje abakuru b’ingabo baturutse hirya no hino ku Isi, barimo Minisitiri w’ingabo z’u Bufaransa Sébastien Lecornu, mu myaka yashize hagiye hagaragazwa ibipimo by’imibanire y’u Bushinwa n’Amerika.

Iyi nama ibaye nyuma y’icyumweru hakorwa imyitozo ikomeye ya gisirikare iyobowe n’u Bushinwa, aho ubwato bw’intambara n’indege z’Abashinwa byazengurutse Taiwan.