Umubano wa Zari Hassani na Shakibu wongeye kuzamo agatotsi

Umubano w’umuherwekazi akaba n’umwe mu byamamare bikoresha imbuga nkoranyambaga Zari Hassan n’umugabo we Shakib Lutaaya, wongeye kuzamo agatotsi bitewe no kuba Diamond Platinumz yaragaragaye ari kumwe n’uyu mugore ku isabukuru y’umwana wabo.

Ubwo hizihizwaga isabukuru y’umukobwa Diamond Platinumz afitanye na Zari ku wa Gatatu tariki 7 Kamena 2024, Diamond akagaragara muri ibyo birori, byarakaje Shakib utuye i Kampala abiheraho ashinja umugore we ko yaba agifitanye umubano wihariye na se w’abana be (Diamond Platinumz).

Ubwo yavuganaga n’itangazamakuru ku bijyanye n’ibyabaye, Zari yavuze ko Shakib yaje yabaye nk’umusazi.

Yagize ati: “Yaje ameze nk’umusazi, ambajije impamvu ntamubwiye ko Diamond yaje, ambwira ko bishoboka ko naba nkikundana na Se w’abana banjye.”

Zari avuga nubwo Diamond yitabiriye ibirori by’umukobwa wabo, ariko nta gahunda ya Diamond yo kubasura Zari yari azi.

Agira ati: “Diamond kuva kera ntabwo tuvugana, ahora yitotomba avuga ko ntamwitaba kuko umugabo wanjye duhora turi kumwe, noneho ansaba telefone y’abantu bahora mu rugo kugira ngo ashobore kujya avugana n’abana be igihe cyose abishakiye.”

Zari yahisemo kumuha nomero ya telefone y’umwe mu bakozi bo mu rugo, ku buryo yaje kumuhamagara akamuha abana aba ari na we wamukinguriye akinjira mu nzu.

Mu gihe bari mu birori byo kwizihiza isabukuru y’amavuko, byari byitabiriwe n’umuryango n’inshuti zo muri Uganda, mu buryo butunguranye Diamond yarinjiye.

Zari ati: “Noneho Shakib atangira kurakara avuga ko natumiye umugabo wanjye mu birori atangira kumbaza, uracyamukunda?  Namubwiye ko ntatumiye Diamond, sinari nzi ko aribuze.”

Zari avuga ko nta buryo bwo kubuza uwahoze ari umugabo we kubona cyangwa guhura n’abana be, kandi ko Diamond agerageza gukemura ibyo abana be bakeneye byose, kuko yohereje amafaranga kugira ngo afashe imyiteguro y’isabukuru y’amavuko y’umukobwa we.

Mu ijambo rye, Zari yavuze ko atakwijujutira cyangwa kwirengagiza Diamond Platnumz kuko ari se w’abana be, kandi nawe akaba nyina.

Zari Hassan na Diamond Platnumz bafitanye abana babiri, umukobwa n’umuhungu Nillan na Tiffa, umukobwa wabo Latiffa Dangote ni we wari wagize isabukuru y’amavuko y’imyaka 9.