Uko amakipe azahura ku munsi wa mbere wa Premier League 2024/25

Shampiyona y’Icyiciro cya mbere mu Bwongereza, Premier League, yashyize ahagaragara uburyo amakipe azahura mu mwaka utaha w’imikino wa 2024/25, aho umukino utegerejwe uzahuza Manchester City na Chelsea.

Kuri uyu Kabiri tariki 18 Kamena 2024, ni bwo hashyizwe ahagaragara uburyo amakipe azahura mu mwaka utaha w’imikino muri Premier League uzatangira ku wa 16 Kanama 2024.
Umukino uzabimburira indi uzahuza Manchester United izaba yakiriye Fulham.

Manchester City yatwaye igikombe giheruka izatangirira kwa Chelsea tariki ya 18 Kanama mu gihe Arsenal yabaye iya kabiri, izakira Wolves tariki ya 17 Kanama.

Amakipe atatu yazamutse mu cyiciro cya mbere uyu mwaka, Ipswich, Southampton na Leciester City azakina imikino yayo ya mbere ahura na Liverpool, Newcastle na Tottenham Hotspurs.

Uko amakipe azahura ku munsi wa mbere

Ku wa Gatanu 16 Kanama 2024
Manchester United izakira Fulham

Ku wa Gatandatu 17 Kanama 2024
Ipswich izakira Liverpool
Arsenal izakira Wolves
Everton izakira Brighton
Newcastle izakira Southampton
Nottingham Forest izakira AFC Bournemouth
West Ham izakira Aston Villa

Ku Cyumweru tariki 18 Kanama 2024
Brentford izakira Crystal Palace
Chelsea izakira Manchester City
ku wa Mbere tariki 19 Kanama 2024
Leicetser City izakira Tottenham Hotspurs.

Umwaka w’imikino mushya muri Premier League 2024/25 uzarangira ku wa 25 Gicurasi 2025.

Manchester City yatwaye igikombe cya shampiyona umwaka ushize izahura na Manchester United yatwaye FA Cup mu mukino wa Community Shield tariki ya 10 Kanama 2024, ku kibuga Wembley Stadium.