Ruben Amorim yagizwe Umutoza wa Manchester United

Manchester United yatangaje ko umunya-Portugal, Ruben Amorim yagizwe umutoza mukuru w’iyi kipe kugeza 2027, ndetse ko hashobora kwiyongeraho undi mwaka umwe. Yari amaze imyaka ine atoza Sporting CP yo muri Portugal. 

Kuri uyu wa Gatanu tariki ya 1 Ugushyingo 2024, ni bwo iyi kipe yamwemeje asinya amasezerano y’imyaka itanu azageza ku mpeshyi ya 2027.

Ruben Amorim umwe mu batoza bato bari kubaka izina ku mugabane w’u Burayi, atandukanye na Sporting CP ayihesheje  ibikombe bibiri bya shampiyona birimo icya mbere mu myaka 19, mu mwaka w’imikino wa 2020- 2021 ndetse n’icyumwaka w’imikino wa 2023-2024.

Amorim w’imyaka 39 yari afite imibare imuvugira mu rugendo rwe rwo gutoza kuko yatoje imikino 244, anganya 174 ndetse 34 arayitakaza, bivuze ko niburta ku kigero cya 71,3% abona itsinzi.

Uyu mugabo azatangira inshingano ze zo gutoza iyi kipe guhera tariki ya 11 Ugushyingo 2024.

Abaye umutoza wa gatandatu ushinzwe iyi kipe kuva Sir Alex Ferguson yasezera mu 2013.