RIB yataye muri yombi umucamanza kubera ruswa

RIB yafunze Uwingabiye Delphine, Umucamanza mu Rukiko rw’Ibanze rwa Gatunda ukurikiranyweho kwaka no kwakira ruswa yizeza umuturage kuzatsinda urubanza yari afite muri urwo Rukiko.

Hanafunzwe kandi umugabo we Rwarinda Theogene ukurikiranyweho kuba icyitso muri icyo cyaha.

RIB iraburira abakoresha inshingano n’ububasha bahabwa n’amategeko mu nyungu zabo bwite kubihagarika, kuko utazabyubahiriza, azakurikiranwa nk’uko amategeko abiteganya.

RIB kandi irashimira abakomeje kugira uruhare mu kurwanya ruswa batanga amakuru kugira ngo irandurwe mu gihugu.