Ousmane Dembélé na Aitana Bonmatí begukanye Ballon d’Or 2025 

Rutahizamu wa Paris Saint- Germain n’Ikipe y’Igihugu y’u Burufaransa, Ousmane Dembélé, yegukanye Ballon d’Or ya 2025 nyuma yo gutorwa nk’umukinnyi mwiza wahize abandi mu mwaka ushize w’imikino wa 2024/25, iba iya mbere atwaye.

Mu ijoro ryo ku wa Mbere, tariki ya 22 Nzeri 2025, ni bwo muri Théâtre du Châtelet i Paris hatangiwe ibihembo ku nshuro ya 69 byari bikurikiwe n’abarenga miliyoni 400 ku Isi, bitangwa na France Football bigahabwa abakinnyi bitwaye neza mu byiciro bitandukanye.

Dembélé w’imyaka 28, ni we wegukanye igihembo gikuru kuruta ibindi abifashijwemo n’umwaka mwiza yagiranye na  Paris Saint- Germain mu mwaka ushize w’imikino.

Ousmane Dembélé yafatanyije na Paris Saint- Germain gutwara 

irushanwa rya UEFA Champions League mu mateka yayo. Yegukanye Shampiyona y’u Bufaransa, Igikombe cy’Igihugu cya French Cup, n’Igikombe kiruta ibindi cya French Super Cup.

Ibi byose yabikoze atsinda ibitego 37 anatanga imipira 17 ivamo ibindi mu mikino 59 yakinnye.

Iki gihembo yagihawe na Ronaldinho wacyegukanye mu 2005. 

Lamine Yamal w’imyaka 18 yabaye inkingi ya mwamba muri FC Barcelone aho yatsinze ibitego 21 atanga imipira 22 ivamo ibindi mu marushanwa yose, bituma iyi kipe yegukana Shampiyona ya Espagne na Copa del Rey.

Victoria López wa FC Barcelone y’Abagore ni we wegukanye iki gihembo mu bagore.

Uyu mukinnyi yahigitswe na Ousmane Dembélé ku gihembo kiruta ibindi cya Ballon D’Or 2025.

Mu bagore iki gihembo cyahawe Aitana Bonmatí wa FC Barcelone n’Ikipe y’Igihugu ya Espagne, aho abikoze ku nshuro ya gatatu yikurikiranya.

Ni ibihembo bashyikirijwe na Andrés Iniesta wacyegukanye mu 2011 na 2013, na Ronaldinho wacyegukanye mu 2005. 

Paris Saint-Germain yabaye ikipe y’umwaka mu bagabo ni mu gihe Arsenal y’Abagore yabaye ikipe y’umwaka nyuma yo kwegukana UEFA Champions League mu bagore. 

Ku nshuro ya kabiri yikurikiranya, umukinnyi ukiri muto yongeye kuba Umunya-Espagne Lamine Yamal ukinira FC Barcelona mu bihembo bya Ballon d’Or 2025 cyiswe ‘Kopa Trophy’.

Mu bindi bihembo byatanzwe, Rutahizamu w’Imwaka yabaye Viktor Gyökeres ukinira Arsenal yo mu Bwongereza, ahembwa igihembo kizwi nka Gerd Müller gihabwa uwatsinze ibitego byinshi, aho mu mwaka ushize akinira Sporting Portugal.

mu marushanwa yose yatsinze ibitego 54 mu mukino 52. 

Umunyezamu mwiza yabaye Umutaliyani Gianluigi Donnarumma usigaye akinira Manchester City, nyuma yo guhesha Ikipe ya PSG yakiniraga mu mwaka ushize w’imikino, Igikombe cya Shampiyona n’icya Champions League.

Umuryango Xana Foundation yahawe igihembo cy’uwaranzwe n’ibikorwa by’ubugiraneza nk’umuryango uzwiho gufasha ingimbi n’abangavu bakeneye ubufasha kurusha abandi.

Luis Enrique utoza Paris Saint-Germain yagizwe Umutoza Mwiza w’umwaka [Johan Cruyff Award] mu bagabo mu gihe Sarina Wiegman utoza Ikipe y’igihugu y’u Bwongereza yahembwe nk’umutoza mwiza mu cyiciro cy’abagore.

Uko abakinnyi 5 bakurikiranye mu bagabo:

1. Ousmane Dembélé wa Paris Saint Germain n’u Bufaransa;

2. Lamine Yamal wa FC Barcelona na Espagne; 

3. Vitinha wa Paris Saint Germain na Portugal;

4. Mohammed Salah wa Liverpool na Misiri;

5. Raphinha wa FC Barcelona na Espagne.