Manchester United yemeye gukomezanya na Erik ten Hag mu mwaka utaha w’imikino

Ikipe ya Manchester yemeje ko izakomezanya n’Umutoza wayo Erik ten Hag mu mwaka w’imikino utaha wa 2024/25.

Ibi byemejwe mu inama y’ubuyobozi bw’iyi kipe yabaye ku wa Kabiri tariki 11 Kamena 2024 yanzuye ko izagumana na Ten Hag ndetse hagiye gukurikiraho ibiganiro byo kumwongerera amasezerano dore ko ayo asanganywe azatangira mu mpeshyi ya 2025.

Manchester United yari yatangiye gutekereza ku bandi batoza barimo Thomas Tuchel, Mauricio Pochettino, Graham Potter, Thomas Frank, Roberto de Zerbi na Gareth Southgate utoza u Bwongereza.

Erik ten Hag yagizwe umutoza wa Manchester United tariki 21 Mata 2022 asimbuye Ralf Rangnick watozaga iyi kipe by’agateganyo.

Mu myaka ibiri Ten Hag amaze atoza Manchester United yegukanye ibikombe bibiri birimo Carabao cup atsinze Newcastle United na FA Cup yatsinzemo Manchester City ibitego 2-1 mu ntangiriro z’uku kwezi kwa Kamena.

Manchester United yabaye iya munani mu mwaka w’imikino ushize, ukaba umwanya mubi igize kuva Shampiyona y’u Bwongereza yiswe Premier League.