Irani : Imfungwa 834 zishwe zinyonzwe mu 2023

Umwaka ushize 2023, Irani yishe inyonze abantu 834. Abaharanira uburenganzira bwa muntu batangaje iyi mibare, bavuga ko kuva 2015 ari ubwa Mbere iyo mibare igeze kuri urwo rwego bakemeza imibare iri hejuru cyane.

Radiyo Ijwi rya Amerika yatangaje ko mu 2015, imfungwa zishwe zinyonzwe muri Irani ari 972.

Amashyirahamwe aharanira uburenganzira bwa muntu yavuze ko Irani ikoresha igihano cy’urupfu mu gutera ubwoba abanegihugu bakora imyigaragambyo ndetse n’abanywa ibiyobyabwenge. Mu banyongwa harimo n’abagore.

Kuva mu ntangiriro z’uyu mwaka wa 2024, abamaze kunyongwa bagera ku 83.

Amashyirahamwe arengera uburenganzira bwa muntu avuga ko amahanga atigeze ashyira igitutu ku mibare y’abazanyongwa uyu mwaka kuko ishobora kuza ari myinshi cyane.