Ikaze mu cyiciro cy’abagabo muri shampiyona y’Isi y’umukino w’amagare (Live)

Muri aya masaha ya nyuma ya saa sita shampiyona y’Isi y’umukino w’amagare icyiciro cy’abagabo irakomeje. Ku ikubitiro abakinnyi barahagurukira kuri BK Arena basoreze kuri Kigali Convention Center (KCC).

Ku munsi wa mbere mu isiganwa rya ITT mu bagabo, kuri iki Cyumweru tariki 21 Nzeri barakora intera ya kilometero 40.6, aho umunyarwanda, Nsengiyumva Shemu, ari we ubimburiye abandi bakinnyi guhaguruka ku isaha ya 13h45′

Jalal Edward wo muri Sudani y’Epfo, Umunyatanzaniya Boniface Simon Ngwata, bamaze guhaguruka mu gihe Nsengiyumva asigaye ibilometero 27.4, amaze gukoresha iminota 18.

2h05′: Hamaze guhaguruka abakinnyi 10 mu bakinnyi 55, Nsengiyumva Shemu ageze i Gahanga. Mu gihe Diarra w’Umunyamali amaze gukora intera ya kilometero 32.3 aho amaze gukoresha iminota 12.

02h10′: Umunya-Benin, Ricardo Sodjede, amaze guhaguruka. Umunyasenegali CISSE Chiekhouna amaze gukora intera ya kilometero 31.7.

02h16: Nsengiyumva Shemu amaze gukora intera ya kilometero 18 akaba amaze gukoresha ibihe bingana n’iminota 31.

Umwihariko wa shampiyona y’Isi y’umukino w’amagare irimo kubera mu Rwanda, ni uko abasiganwa bahagurukira mu nzu by’umwihariko ya BK Arena.

02h28′: Nsengiyumva amaze gukora intera ya kilometero ya 7.4 akaba amaze kugenda iminota 43.

02h36′: Umunyarwanda Nsengiyumva amaze kugenda intera ya kilometero 2.2 akoresheje iminota 51.

02h38′: Ubu kuri BK Arena hamaze guhaguruka abakinnyi 20 mu bakinnyi 55 bagomba gukina mu cyiciro cy’abagabo.

02h42″ Nsengiyumva wabimburiye abandi guhaguruka kuri BK Arena ni na we ugeze kuri KCC ari uwa mbere akoresheje iminota 56’41.

Byitezwe ko Umubiligi Remco Evenepoel, ari we uribuhaguruke nyuma y’abandi saa 04h00′, ava kuri BK Arena ajya kuri Kigali Convention Center (KCC).

Umubiligi Remco Evenepoel yanditse amateka i Kigali, aho ari we wegukanye isiganwa ITT ry’abagabo muri shampiyona y’Isi y’umukino w’amagare 2025, aho abakinnyi basiganwa habarwa ibihe byabo.

Ni ku nshuro ya gatatu Remco yegukanye iri rushanwa nyuma yo gutwara irya 2023 na 2024.