Handball: Amakipe y’U Rwanda yageze ku mukino wa nyuma mu irushanwa ry’Akarere

Amakipe y’u Rwanda y’Abahungu batarengeje imyaka 18 na 20 mu mukino wa Handball yageze ku mukino wa nyuma “IHF Trophy Zone V” ikomeje kubera muri Ethiopia.

Iyi mikino ya ½ yabaye kuri uyu wa Kane, tariki 16 Gicurasi 2024 i Addis Ababa.

Ikipe y’igihugu y’Abatarengeje imyaka 18 babigezeho nyuma yo gutsinda Kenya ibitego 27-24, aho izahura na Ethiopia.  

Indi kipe yitwaye neza n’iy’abatarengeje imyaka 20 yatsinze Ethiopia bigoranye ibitego 29-28, ikatisha itike yo gukina umukino wa nyuma izakinamo na Uganda yatsinze u Burundi ibitego 43-29.

Iyi mikino ya nyuma mu byiciro byombi iteganyijwe ku wa gatanu tariki 17 Gicurasi 2024.

Iri rushanwa ni rimwe murihira amakipe y’u Rwanda kuko mu 2022, Ikipe y’Igihugu y’Abatarengeje imyaka 20 yaryegukanye itsinze iya Uganda ibitego 39-37.