CECAFA Kagame Cup 2025: APR FC yisanze mu itsinda rya kabiri

APR FC ihagarariye u Rwanda mu irushanwa rya CECAFA Kagame CUP 2025 yisanze mu itsinda rya kabiri hamwe NEC FC yo mu Uganda, Bumamuru FC yo mu Burundi na Mlandege yo muri Zanzibar.

Iyi tombola igaragaza uko amakipe 12 azahura muri CECAFA Kagame Cup 2025 yabaye kuri uyu wa Kane, tariki 28 Kanama 2025 i Nairobi muri Kenya.

Uko andi makipe agabanyije mu matsinda

Itsinda rya mbere:

Singida Black Stars (Tanzania), Garde Cotes FC (Djibouti) Ethiopia Coffee (Ethiopia) na Kenya Police FC (Kenya).

Itsinda rya kabiri:

APR FC (Rwanda), NEC FC (Uganda), Bumamuru (Burundi) na Mlandege (Zanzibar).

Itsinda rya Gatatu:

Al Hilal Omdurman (Sudani), Kator FC (Sudani y’Epfo), Mogadishu City Club (Somalia) na Alahly SC Wad Madani (Sudani).

Ikipe ya mbere muri buri tsinda, wongeyeho iyabaye iya kabiri yitwaye neza kurusha izindi, ni zo zizahita zerekeza muri ½ cy’irangiza.

Iyi mikino iteganyijwe kubera i Dar es Salaam tariki 2-15 Nzeri 2025. Ku bibuga bya Azam Complex iri Chamazi na KMC Stadium iri Kinondoni.

Umwaka ushize wa 2024, iri rushanwa ryegukanywe na Red Arrows FC yo muri Zambia itsinze APR FC yo mu Rwanda penaliti 10-9 nyuma yo kuganya igitego 1-1 mu minota 120 y’umukino.

APR FC iheruka kwegukana CECAFA Kagame Cup mu 2010 itsinze St. George yo muri Ethiopia ibitego 2-0.