Amatora 2024: Amajwi ya Perezida Kagame yiyongereye agera kuri 99,18%

Amajwi Perezida Paul Kagame yagize mu majwi y’ibyibanze byavuye mu matora ya Perezida wa Repubulika, yazamutse agera kuri 99,18%, mu majwi y’agateganyo yatangajwe na Komisiyo y’Igihugu y’Amatora (NEC).

NEC yayatangaje kuri uyu Kane tariki ya 18 Nyakanga 2024, amajwi y’agateganyo y’ibyavuye mu matora ya Perezida wa Repubulika n’ay’Abadepite batorwa mu buryo butaziguye 53.

NEC yagaragaje ko amajwi ya Perezida Kagame yiyongereye ava kuri 99,15% agera kuri 99,18%, hamaze kubarurwa abamutoye 8,822,794 mu gihe abo bari bahatanye, Dr Habineza Frank yagize 0.50% yatowe na 44,479 yari asanzwe afite 0,53% naho Mpayimana Phillippe agira 0.32% yatawe na 28,466.

Amajwi y’agateganyo mu matora y’Abadepite batanzwe n’imitwe ya Politiki

Imibare y’agateganyo yatangajwe na Komisiyo y’Amatora ku  matora y’Abadepite 53, Umuryango FPR Inkotanyi n’imitwe ya politike bifatanyije yagize amajwi bagize amajwi 68.83% hamaze kubarura abayitoye bangana na 6, 126,633.

PL yagize 8.66%, yatowe na 770, 896, PSD igira 8.62%, yatowe na 767,143, PDI igira 4.61%, 410,513, DGPR-Green Party-Rwanda ryagize 4.61%, yatowe na 405,893 na ho PS Imberakuri ifite 4.51% itorwa na 401,524.

Nsengiyumva Janvier wiyamamaje nk’umukandida wigenga yagize 0.21% aho yatowe na 19,050.

NEC yongeye gushimira Abanyarwanda ku bwo kuguragaza ubwitabire buhagije bw’Amatora ya Perezida wa Repubulika n’ay’Abadepite yakozwe mu buryo butaziguye.

NEC yatangaje ko ubwitabira bw’Abanyarwanda muri aya matora bubarirwa ku kigero cya 98,20%.