Abasaga miliyoni 9 ni bo bari kuri lisiti y’agateganyo y’abemerewe gutora- NEC

Komisiyo y’Igihugu y’Amatora, NEC kuri uyu wa Gatanu tariki ya 14 Kamena 2024 yatangaje lisiti y’agateganyo y’abemerewe gutora mu matora ya Perezida wa Repubulika n’ay’Abadepite, aho Abanyarwanda batorera mu Gihugu ndetse n’abari mu mahanga bagera kuri 9 012 789.

NEC yatangaje ko mu Mujyi wa Kigali abazatora bose hamwe ari 1 101 517 bagizwe n’ab’igitsina gabo 570 391 bangana na 52% n’ab’igitsina gore 531 126 bangana na 48% n’urubyiruko 422 640 bangana na 38%.

Mu Ntara y’Amajyepfo ni 2 076 918, abagabo ni 939 026 bangana na 45%, abagore ni 1 137 892 bangana na 55% n’urubyiruko rungana na 892 962 bangana na 43%.

Mu Ntara y’Iburengerazuba hateganyijwe 2 064 090 barimo abagabo 937 833 bangana na 45%, abagore 1 126 257 bangana na 55% mu gihe urubyiruko ari 930 829 bangana n’ijanisha rya 45.

Mu Ntara y’Amjyaruguru hari 1 486 774  harimo abagabo  682 860 bangana na 46%, abagore ni  803n 914 bari ku ijanisha rya 54 naho urubyiruko  rungana na 658 931 bangana na 44%.

Mu Ntara y’Iburasirazuba 2 220 573 barimo abagabo 1 029 465 bangana na 46%, abagore 1 191 107 bangana na 54%, urubyiruko ni 959 793 banagana na 43%.

Mu mahanga ni 62 917, ab’igitsina gabo ni 34 090 bangana na 54%, ab’igiotsina gore ni 28 827 bangana na 46%, urubyiruko ni 12 872 bangana na 20%.

Igiteranyo ni 9 012 789 harimo ab’igitsina gabo 4 193 665 bangana na 47%, ab’igitsina gore bo ni 4 819 123 bangana na 53%, aho urubyiruko ari 3 878 027 bangana na 43%.