Abantu bagera muri miliyoni 120 bavuye mu byabo ku Isi

Umuryango w’Abibumbye utangaza ko mu mpera za Mata 2024, Isi yari ifite umubare w’abantu miliyoni 120 bavanywe mu byabo ku gahato, uwo mubare ukomeje kwiyongera kandi bikaba biteye ubwoba ku miterere y’Isi”,

 Ni ibyatangajwe n’Umuryango w’abibumbye, Loni kuri uyu wa kane, tariki ya 13 Kamena.

Muri raporo y’umwaka, Ishami ry’Umuryango w’Abibumbye ryita ku Mpunzi (UNHCR) ryashimangiye ko intambara zabereye muri Gaza, Sudani na Birmanie zagize uruhare runini mu kongera umubare w’abantu bahatiwe guhunga bakava mu byabo mu gihe kirenga umwaka. Umuyobozi mukuru wa UNHCR, Filippo Grandi, mu kiganiro n’abanyamakuru i Geneve yabisobanuye agira ati: “Intambara ikomeje kuba intandaro yo kwimura abantu benshi bakava mu byabo.

Mu mpera z’umwaka ushize, abantu miliyoni 117.3 bavanywe mu byabo. Iyi ni hafi miliyoni 10 ziyongereyeho umwaka ushize kandi irerekana imyaka 12 ikurikiranye yo kwiyongera kw’abava mu byabo. Hariho kandi hafi inshuro eshatu abantu benshi bimuwe ku gahato nko muri 2012 kandi umubare w’abimuwe ubu uhwanye n’uw’aabatuye u Bapani.

Hariho ubwiyongere bugaragara bw’ibibazo kandi imihindagurikire y’ibihe ikomeje guteza amakimbirane ku Isi. Umwaka ushize, UNHCR yatangaje ko ibintu 43 byihutirwa mu bihugu 29, bikubye inshuro zirenga enye iryo tegeko mu myaka mike ishize,  nk’uko byahamijwe na Filippo Grandi.  

Yinubiye uburyo amakimbirane akorwa … mu kwirengagiza amategeko mpuzamahanga, kandi akenshi agamije intego yo gutera ubwoba abaturage, agira uruhare mu gukaza iki kibazo.

Filippo Grandi yemeza ko kuri ubu bigaragara ko nta cyizere na gike cyo guhindura ibyo bibazo uko biri.

 Ati: “Keretse niba hari impinduka muri politiki mpuzamahanga ya geopolitike, ikibabaje ni uko mbona uyu mubare ukomeje kwiyongera”. Raporo yashyizwe ahagaragara kuri uyu wa Kane ivuga ko muri 2023 ku isi yose, miliyoni 68.3 zavanywe mu byabo.

UNHCR yatangaje ko intambara y’abenegihugu ibera muri Sudani kuva muri Mata 2023 yimuye abantu barenga miliyoni icyenda, mu gihe Abanyasudani bagera kuri miliyoni 11 bavanywe mu byabo mu mpera za 2023.

Mu karere ka Gaza, Loni ivuga ko miliyoni 1.7 z’abaturage , ni 75% by’abaturage bavanywe mu byabo kuva intambara yatangijwe na Isiraheli mu rwego rwo kwihimura ku gitero cya Hamas ku butaka bwacyo ku ya 7 Ukwakira 2023.

Naho Ukraine irwanya igitero cy’u Burusiya, mu mwaka ushize abantu bagera ku 750.000 bavanywe mu byabo imbere mu gihugu, aho abantu bagera kuri miliyoni 3.7 bavanywe mu byabo mu mpera za 2023.

Siriya ikomeje kuba ari cyo gihugu gifite ikibazo gikomeye cy’abantu bava mu byabo ku Isi, nk’uko byatangajwe n’Ishami ry’Umuryango w’Abibumbye ryita ku Mpunzi (UNHCR) aho miliyoni 13.8 z’abantu bakomeje kuva mu byabo mu gihugu ndetse no hanze yacyo.