U Burusiya: Putin yaburiye ibihugu by’Uburengerazuba gukoresha ibitwaro kirimbuzi

Perezida w’u Burusiya Vladimir Putin yihanangirije ibihugu byo mu Burengerazuba bw’Isi birimo Leta Zunze ubumwe z’Amerika ko bwiteguye gukoresha ibitwaro kirimbuzi mu gihe Amerika yakohereza ingabo muri Ukraine.

Kuri uyu wa Gatatu Putin yatangarije kuri Televiziyo y’u Burusiya ko Amerika iramutse ishyize ingabo muri Ukraine byaba ari ikibazo gikomeye cyane kuko byakongera amakimbirane.

Yongeyeho ko ingabo z’Abanyamerika ziramutse zikandagiye ku butaka bw’u Burusiya byaba bibi cyane.

Gusa akomeza agaragaza ko intambara yo gukoresha ibitwaro kirimbuzi bitihutirwa kuko ngo yasanze atari ngombwa ko zikoreshwa muri Ukraine. 

Avuze ibi mbere y’amatora ho gato muri iki gihugu aho ateganyijwe  ku ya 15-17 Werurwe ashobora kuzaha Perezida Putin indi  myaka itandatu ku butegetsi.

Intambara yo muri Ukraine yateje ikibazo gikomeye mu mibanire y’u Burusiya n’ibihugu byo mu Burengerazuba kandi Putin aburira kenshi ko bishobora guteza intambara simusiga mu gihe byakohereza ingabo muri Ukraine.