Kigali-Rwanda

Mostly cloudy
20°C
 

Volleyball: UTB VC izahura na Gisagara VC muri Playoffs 2019

Yanditswe na Nkomeje Guillaume

Ku ya 08-02-2019 saa 10:32:48
UTB VC izahura na Gisagara VC mu mukino w'irushanwa rya Playoffs 2019

Tariki 15-02-2019
REG VC- IPRC-Ngoma VC (Amahoro-17h30)
UTB VC-Gisagara VC (Amahoro-19h30)

Ishyirahamwe Nyarwanda ry’umukino wa Volleyball “FRVB”, ryamaze gushyira ahagaragara gahunda y’imikino y’irushanwa rya “Playoffs 2019”, rihuza amakipe yabaye ane ya mbere muri shampiyona y’ikiciro cya mbere mu bagabo y’uyu mwaka wa 2019.

Mu mikino itegerejwe; REG VC yarangije iyoboye urutonde rwa shampiyona n’amanota 29, izahura na IPRC-Ngoma VC yabaye iya 4 n’amanota 13 (17h30) naho UTB VC yabaye iya kabiri ndetse na Gisagara VC yabaye iya 3 aho zanganyije amanota 28 zizahure mu mukino w’ishiraniro (19h30). Iyi mikino yombi izabera kuri Sitade Nto i Remera tariki 15 Gashyantare 2019.

Uyu mukino wa UTB VC na Gisagara VC, utegerejwe n’abantu batari bake. Iyo aya makipe yombi yahuye, aba agaragaza uguhangana kudasanzwe, bitewe n’uko ari amakipe afite abakinnyi bagiye baziranye.

Mu mikino ibiri ya shampiyona yabahuje, UTB VC yabashije kwitwara neza iyitsanda yombi. Yatsinze Gisagara VC bigoranye mu mukino ubanza wari uwo ku munsi wa 3 wabereye kuri Sitade Nto i Remera ku maseti 3 kuri 2.

Ni mu gihe yaje no kongera kuyitsinda iyisanze mu rugo mu mukino utari woroshye ku maseti 3 kuri 2, wari uwo ku munsi wa 7 wa shampiyona wabereye i Gisagara tariki 12 Mutarama 2019.

UTB VC itozwa na Nyirimana Fidele, wahoze muri Gisagara VC, yaje no kwegukana igikombe k’iri rushanwa w’Intwari “Intwari Volleyball Tournament 2019”, mu kiciro cy’abagabo, itsinze Gisagara VC ku mukino wa nyuma amaseti 3 kuri 1.

Ikipe ya Gisagara VC ifite akazi katoroshye ko kwitwara neza imbere ya UTB VC imaze iminsi iyitsinda

Umwanditsi:

Nkomeje Guillaume

Tanga Igitekerezo

Email yanyu ntigaragazwa ku rubuga. Amazina na Email ni ngombwa.