Kigali-Rwanda

Partly sunny
22°C
 

Volleyball: UTB irakira APR mu mukino wa shampiyona w’ikirarane

Yanditswe na Nkomeje Guillaume

Ku ya 23-01-2019 saa 09:04:03
UTB VC iyoboye urutonde rwa shampiyona nyuma y'imikino y'umunsi wa 7

Kuri uyu wa Gatatu tariki 23 Mutarama 2019, ikipe ya UTB VC irakira APR VC mu mukino wa shampiyona y’igihugu ya Volleyball y’ikiciro cya mbere mu bagabo, utari warabereye igihe ubere kuri Sitade Nto Amahoro i Remera (18h00).

Uyu mukino wagombaga kuba ku munsi wa 5 w’iyi shampiyona urahuza UTB VC iyoboye urutonde by’agateganyo n’amanota 25 mu mikino 11 irusha APR VC ya 7 amanota 17 kuko ifite amanota 8.

UTB VC iza kuba ikina umukino wayo wa nyuma muri shampiyona ifite n’amahirwe yo gusoreza mu makipe 4 ya mbere ikeneye gutsinda kugira ngo izabashe kubona umwanya mwiza uzayihesha guhura n’ikipe idakomeye mu irushanwa rya “Playoffs” ritanga igikombe cya shampiyona.

Iyi kipe itsinze uyu mukino yahita igeza amanota 28, igategereza ibizava mu mikino izahuza REG VC na Gisagara VC ziyikurikiye zombi zinganya amanota 23 mu mikino 10, ziramutse zitsinze imikino zisigaje (2) zayicaho kuko zagira amanota 29.

Ku rundi ruhande, APR VC irasa naho irwanira kutaba iya nyuma muri iyi shampiyona, ikeneye amanota kugira ngo byibura yigireho imbere ku rutonde. Nyuma y’uyu mukino izasoza imikino yayo yakira IPRC-Karongi VC (15h00) ndetse na izahure na Gisagara VC (19h00), imikino yombi izabera kuri Sitade Nto Amahoro i Remera tariki 02 Gashyantare 2019.

UTB VC ni ya mbere n’amanota 25 ikurikirwa na REG VC na Gisagara VC zinganya amanota 23, IPRC-Ngoma VC ya 4 na 13, IPRC-Karongi VC ya 5 na 8, APR VC ya 6 na 7 naho Kirehe VC ni iya nyuma (7) n’amanota 6.

UTB VC iyoboye urutonde rwa shampiyona nyuma y’imikino y’umunsi wa 7

APR VC iri bukine na UTB VC iri ku mwanya wa 7 wa shampiyona n’amanota 8

Umwanditsi:

Nkomeje Guillaume

Tanga Igitekerezo

Email yanyu ntigaragazwa ku rubuga. Amazina na Email ni ngombwa.