Kigali-Rwanda

Mostly cloudy with thundershowers
24°C
 

Volleyball: Shampiyona igeze ku musozo w’imikino yo kwishyura

Yanditswe na NKOMEJE GUILLAUME

Ku ya 28-04-2018 saa 06:38:07
REG VC iri ku mwanya wa 3 irakina na IPRC-South VC mu mukino w'umunsi wa 8 wa shampiyona

Shampiyona ya Volleyball irakomeza mu mpera z’iki cyumweru hakinwa imikino yo ku munsi wa 8 ari na wo wa nyuma w’imikino yo kwishyura mu kiciro cy’abagabo. Uyu munsi tariki 28 Mata 2018, ikipe ya IPRC-South VC irakira REG VC muri IPRC-South (11h00).

REG VC iri ku mwanya wa 3 irakina na IPRC-South VC mu mukino w’umunsi wa 8 wa shampiyona

IPRC-South VC iza kuba iri mu rugo nta bwo ihagaze neza kuko iri ku mwanya wa 8 n’amanota 4 mu mikino 14 inganya aya manota na KVC ya nyuma.

REG VC ya 3 n’amanota 30 mu mikino 12 irasabwa gutsinda kugira ngo irusheho kwegera amakipe ayiri imbere aho irushwa na Gisagara VC ya mbere amanota 2 ndetse na UTB VC inota rimwe.

Nyuma y’uyu mukino kandi, REG VC irongera gukina na UNIK VC (13h00) naho UNIK VC ikine na IPRC South (15h00).

Ejo, tariki 29 Mata 2018, i Gisagara, Gisagara VC izakina na APR VC (10h00), APR VC izongere ikine na Kirehe VC (12h00) na ho Kirehe VC izakine na Gisagara VC (14h00).

Aha kandi, UTB VC izakina na KVC (15h00), KVC izakine na IPRC East VC (17h00) ndetse IPRC East VC izakine na UTB VC (19h00). Iyi mikino yose izabera kuri Sitade Amahoro i Remera.

Mfashimana Adalbert, Umunyamabanga mukuru w’ishyirahamwe ry’umukino wa Volleyball mu Rwanda “FRVB”, avuga ko ku makipe agifite imikino y’ikirarane, zizayikina tariki 1 Gicurasi 2018. Yongeraho ko nyuma y’iyi mikino yo kwishyura hazakurikiraho imikino ya kamarampaka “Play offs” izakinwa mu cyumweru kizakurikira.

Asobanura ko ikipe ya mbere ihura n’iya 4, iya 2 igahura n’iya 3 mu mukino ubanza n’uwo kwishyura, mu gihe amakipe yanganya insinzi bagakina umukino wa 3. Hanyuma izatsinze zikine imikino ibiri itsinze igatwara igikombe, izatsinzwe zigakinira umwanya wa 3.

Mu bagore, shampiyona irakomeza, uyu munsi St Aloys irakina na IPRC Kigali mu mukino w’ikirarane muri GS St Aloys i Rwamagana (14h00). Ejo, APR VC izakina na St Aloys (09h00), St Aloys izongere ikine na RRA VC (11h00), RRA VC izakine na APR VC (13h00). Imikino izabera muri Sitade Amahoro i Remera.

Muri IPRC Kigali, IPRC Kigali izakina na St Joseph (10h00, St Joseph izakine na Ruhango VC (12h00) na ho Ruhango VC izakine na IPRC Kigali  (14h00).

Gisagara VC ni iya mbere n’amanota 32, ikurikiwe na UTB VC na 31, REG VC na  30, APR VC ni ya 3 na 28, Kirehe VC na 21, UNIK VC na 16, IPRC-East VC na 14 naho IPRC-South VC na KVC zinganya amanota 4.

 

 

 

 

 

Umwanditsi:

NKOMEJE GUILLAUME

Tanga Igitekerezo

Email yanyu ntigaragazwa ku rubuga. Amazina na Email ni ngombwa.