Kigali-Rwanda

Mostly cloudy
21°C
 

Volleyball: RRA yamaze kubura itike ya ¼ irakina umukino usoza itsinda

Yanditswe na NTAWITONDA JEAN CLAUDE

Ku ya 20-03-2019 saa 09:43:13
RRA VC itari yatangiye neza irahura na Shooting VC mu mukino wa nyuma wo mu itsinda C

Uyu munsi

RRA VC – Shooting VC (16h00)

RRA VC ihagarariye igihugu mu mikino y’Afurika y’amakipe yabaye aya mbere iwayo ‘2019 Women’s African Club Championship’.

RRA VC yamaze kubura itike ya ¼ kirangiza, irakina na Shooting VC yo mu Misiri mu mukino usoza wo mu itsinda C iherereyemo (16h00).

Iyi kipe itaratangiye neza iyi mikino dore ko yatsinzwe imikino ibiri ibanza, irasabwa gukora ibishoboka byose kugira ngo ibashe kubona insinzi yatuma isoza itari ku mwanya wa nyuma mu itsinda.

RRA VC yatangiye itsindwa na Pipeline yo muri Kenya amaseti 3-0 (19-25, 19-25 na 15-25), ukaba warakinwe tariki 17 Werurwe 2019. Yaje kongera gutsindwa umukino wa kabiri na FAP yo muri Cameroun ku maseti 3-0 (28-30, 19-25 na 16-25), wabaye tariki 18 Werurwe 2019.

RRA VC yaserukiye igihugu nyuma y’uko itwaye igikombe cya shampiyona ya 2018, ikaba yari yajyanye intego zo gusoreza mu myanya 4 ya mbere biteganyijwe ko nyuma yo gusoza iyi mikino y’amatsinda izahatanira imyanya kuva ku wa 9.

Iyi mikino y’Afurika y’amakipe yabaye aya mbere iwayo ‘2019 Women’s African Club Championship’, yitabiriwe n’amakipe 13 irimo kubera I Cairo mu Misiri kuva tariki 16 kugeza 26 Werurwe 2019.

RRA VC itari yatangiye neza irahura na Shooting VC mu mukino wa nyuma wo mu itsinda C

Umwanditsi:

NTAWITONDA JEAN CLAUDE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.