Kigali-Rwanda

Partly cloudy
22°C
 

Volleyball: RRA VC yitabiriye imikino y’Afurika mu Misiri

Yanditswe na admin

Ku ya 04-03-2018 saa 08:44:17
RRA VC bajyanye intego yo kwitwara neza bagasoreza mu myanya ibiri ya mbere mu mikino y'Afurika

Ikipe RRA VC yitabiriye imikino y’Afurika y’amakipe yabaye aya mbere iwayo muri Volleyball y’abagore “2018 Women’s African Club Championship”, izabera i Cairo mu Misiri kuva tariki 5 kugeza 15 Werurwe 2018.

RRA VC bajyanye intego yo kwitwara neza bagasoreza mu myanya ibiri ya mbere mu mikino y’Afurika

Iyi kipe igiye guhagararira igihugu muri iyi mikino ku nshuro ya 6 yahagurutse mu Rwanda ku wa Gatanu tariki 02 Werurwe 2018. Mbere yo guhaguruka, RRA VC yakoze umwiherero w’iyi mikino mu gihe kigera ku cyumweru kimwe, aho bakoraga imyitozo kabiri ku munsi.

RRA VC ifite umutoza Dorcus Ndasaba, ukomoka muri Kenya bafite intego yo kwitwara neza bityo bakaba bazasoreza mu makipe abiri ya mbere nk’uko Masumbuko Jean de Dieu, umutoza wungirije aheruka kubitangariza Imvaho Nshya mbere y’uko berekeza mu Misiri.

Ikipe ya RRA VC itaratangiye neza muri shampiyona y’uyu mwaka wa 2018, kuko iri ku mwanya wa 3 n’amanota 6 irushwa na APR VC ya mbere amanota 5, mbere y’uko ihaguruka yabanje gukina umukino wa gicuti n’ikipe y’igihugu y’abatarengeje imyaka 25 iyitsinda amaseti 3-1.

Mu mwaka ushize wa 2017, RRA VC itozwa na Masumbuko Jean de Dieu, yegukanye ibikombe birimo shampiyona, KAVC Memorial tournament, Kayumba Memorial tournament, Rutsindura Memorial inagera ku mukino wa nyuma w’irushanwa ryo kwibuka Abazize Jenoside.

RRA VC itari yabashije kwitabira iyi mikino mu mwaka ushize wa 2017, kubera ikibazo cy’amikoro, ubwo iheruka kuyitabira mu 2016 yageze muri ½ itahukana umwanya wa 4.

Iyi mikino iheruka kubera i Carthage muri Tunizia kuva tariki 6 kugeza 16 Mata 2017, ikipe ya CF de Carthage ni yo yegukanye igikombe itsinze El Shams ku mukino wa nyuma amaseti 3-2.

Abakinnyi 12 bitabiriye iyi mikino y’Afurika;

Mu bakinnyi 12 bazifashishwa muri iyi mikino y’Afurika y’uyu mwaka wa 2018 izitabirwa n’amakipe 22, ni Nyirimana Theodosia, Niyonkuru Adillah, Nyimukesha France, Akimanizanye Enestine, Nzayisenga Charlotte, Mutamba Oliver, Musaniwabo Hope, Uwamahoro Beatrice, Regina Izabayo, Mukantambara Seraphine, Hakizimana Judith na Umutesi Marie Paul.

 

Umwanditsi:

admin

Tanga Igitekerezo

Email yanyu ntigaragazwa ku rubuga. Amazina na Email ni ngombwa.