Kigali-Rwanda

Mostly cloudy
21°C
 

Volleyball: REG yasoje shampiyona iri ku mwanya wa mbere

Yanditswe na Nkomeje Guillaume

Ku ya 04-02-2019 saa 09:23:18
Ikipe ya REG VC yasoje imikino ya shampiyona ya 2019, iri ku mwanya wa mbere

Mu mpera z’icyumweru gishize, shampiyona y’igihugu ya Volleyball y’ikiciro cya mbere mu bagabo “FRVB Volleyball National League 2018-2019”, yari yakomeje hakinwa imikino y’umunsi wa 8, ari nawo usoza, iy’uyu mwaka wa 2018-2019.

REG VC yaje kwitwara neza itsinda imikino ibiri yakinnye, biyihesha gusoza shampiyona iyoboye urutonde. Mu mikino yabereye mu karere ka Kirehe, tariki 2 Gashyantare 2019, REG VC yatsinze IPRC – Ngoma VC amaseti 3-0 (25-21, 25-2 0 na 25-18) ndetse n’uwa Kirehe VC ku maseti 3-0 (25-20, 25-21 na 25-20).

I Kirehe kandi, IPRC-Ngoma VC yatsinzwe na Kirehe VC amaseti 3-1. Mu yindi mikino yabereye kuri Sitade Amahoro i Remera, APR VC itsinda IPRC-Karongi 3-0, Gisagara VC itsinda IPRC-Karongi VC amaseti 3-1 ndetse Gisagara VC itsinda APR VC amaseti 3-2.

REG VC yarangije iyoboye urutonde rwa shampiyona n’amanota 29, ikurikirwa na UTB VC na Gisagara VC zinganya amanota 28, IPRC-Ngoma VC ya 4 n’amanota 13, APR VC ya 5 n’amanota 11, Kirehe VC ni ya 6 n’amanota 9 naho IPRC-Karongi VC ni iya nyuma (7) n’amanota 8.

Nyuma yo gusoza iyi mikino ya shampiyona, amakipe ane ya mbere azakina irushanwa rya “Playoffs”, ari naryo rizatanga uzegukana igikombe cya shampiyona ya 2019.

Ikipe ya REG VC yasoje imikino ya shampiyona ya 2019, iri ku mwanya wa mbere

Umwanditsi:

Nkomeje Guillaume

Tanga Igitekerezo

Email yanyu ntigaragazwa ku rubuga. Amazina na Email ni ngombwa.