Kigali-Rwanda

Partly cloudy
23°C
 

Volleyball: REG VC, UTB na APR VC zigiye guhatana no gusatira Gisagara VC  

Yanditswe na BIZIMANA ERIC

Ku ya 24-02-2018 saa 08:54:39

Uyu munsi

UTB VC-APR VC (Amahoro-14h00)

APR VC-REG VC (Amahoro-16h00)

REG VC-UTB VC Amahoro-18h00)

Ejo tariki 25-02-2018

KVC-Gisagara VC (Amahoro-14h30)

Gisagara-UNIK VC (Amahro-16h00)

UNIK VC-KVC (Amahoro-18h00)

IPRC East-IPRC South (Ngoma-10h00)

IPRC South-Kirehe VC (Ngoma-12h00)

Kirehe VC- IPRC East(Ngoma-14h00)

Shampiyona y’umukino wa Volleyball irakomeza ku munsi wayo wa gatatu haba imikino ishobora kwerekana ikipe zifite amahirwe yo gukomeza kuyobora shampiyona.

Imikino  izatangira   ejo ku wa   Gatandatu tariki 24 Gashyantare 2018  ubwo ikipe ya UTB VC  izakira  ikipe ya REG VC  na APR VC  kuri Sitade Nto i Remera. Umukino wa mbere uzahuze UTB VC  na APR VC  saa munani (14h00) , hakurikireho APR  VC na REG VC  saa kumi (16h00) hasoze umukino wa REG VC  na UTB VC.

Ikipe ya UTB VC ifite akazi gakomeye ubwo iza kuba yakira REG VC na APR VC

Igikomeza iyi mikino ni uko APR VC na REG VC zinganya amanota icyenda mu gihe VC   ifite amanota 10 ikaba iya kabiri ku rutonde.

Imikino ya shampiyona izakomeza ku Cyumweru tariki 25 Gashyantare 2018 aho ikipe  ya KVC izakira UNIK VC na Gisagara kuri Sitade Nto i Remera. Gisagara VC iyoboye shampiyona n’amanota 11 ikazaba yagaruye Nelson Murangwa wari umaze igihe afite imvune.

Ku rundi ruhande, i Ngoma, ikipe ya IPRC East VC izakira IPRC  South VC  na Kirehe VC.

Ku rutonde, Gisagara VC ni iya imbere n’amanota 11 ikurikiwe na UTB VC  ifite amanota 10, APR VC (9), REG VC (9), Kirehe VC (6), UNIK VC (3), IPRC East VC (3),  IPRC South (3) na KVC ( 0).

 Mu bagore harakinwa imikino y’umunsi wa kabiri

Ejo  tariki 25 Gashyantare 2018, mu kiciro cy’abagore imikino izaba igeze ku munsi wa kabiri aho   APR VC izakina na KVC, KVC ikine na IPRC Kigali  nyuma IPRC Kigali ikine na APR VC. Iyi mikino ikaba izabera kuri Sitade Amahoro.

Muri GS St Aloys i Rwamagana, RRA VC ifite igikombe giheruka izakina na Ruhango VC, nyuma Ruhango ikine na GS St Aloys. Ikipe ya GS St  Joseph izaba yaruhutse.

Uretse mu kiciro cya mbere, hateganyijwe n’imikino y’ikiciro cya kabiri mu bahungu aho  uyu munsi tariki 24 Gashyantare 2018, DBG ikine na IPRC West. Ejo tariki 25 Gashyantare 2018,   PSVF ikina na Nyaruguru VC, GSOB ikine na Nyaruguru nyuma GSOB yongere ikine na PSVF.  Iyi mikino irabera muri Seminari nto ku Karubanda. Mu mikino izabera muri GS St Joseph i Kabgabyi,  GS St Joseph izakira Lycee de Nyanza, Christ Roi ikine na Lycee de Nyanza nyuma Christ Roi ikine na GS St  Joseph.

Umwanditsi:

BIZIMANA ERIC

Tanga Igitekerezo

Email yanyu ntigaragazwa ku rubuga. Amazina na Email ni ngombwa.