Volleyball: Ikipe y’u Rwanda yatsinze Burfina Faso ikatisha itike ya ¼

  • Imvaho Nshya
  • Kanama 19, 2023
  • Hashize amezi 9
Image

Ikipe y’u Rwanda yitwaye neza itsinda Burkina Faso mu mukino wa gatatu w’ imikino y’Afurika muri Volleyball mu cyiciro cy’abagore “Women’s African Nations Volleyball Championship 2023″ irimo kubera i Yaounde muri Cameroun bituma ibona itike ya gukomeza muri ¼  cy’irangiza.

Imikino y’umunsi wa 3 yabaye ku wa Gatanu tariki 18 Kanama 2023, ikipe y’u Rwanda mu itsinda B yitwaye neza itsinda Burkina Faso amaseti 3-0 (25-8, 25-07 na 25-14).

Muri iri tsinda kandi, ikipe ya Kenya yatsinze Uganda amaseti 3-0 (25-15, 25-16 na 25-14) naho Maroc itsinda Lesotho  amaseti 3-0 (25-09,25-11 na 25-11).

Mu itsinda A, Algeria yatsinze Mali amaseti 3-0 (25-10, 25-07  na  25-12), Nigeria itsinda u Burundi amaseti 3-0  (25-17, 25-14  na  25-09) naho Misiri itsinda Cameroun amaseti 3-1 (25-16, 25-19, 21-25  na  25-16).

Nyuma y’imikino y’umunsi wa 3, ikipe ya Misiri ni yo iyoboye itsinda A n’amanota  9, ikurikiwe na Cameroun (6), Algeria (6), Nigeria (6), Mali (0) na Burundi (0).

Mu itsinda B, Kenya ni yo iyoboye n’amanota 9, ikurikiwe na Maroc (7), u Rwanda (6), Uganda (5), Burkina Faso (0) na Lesotho (0).

Amakipe 4 ya mbere muri buri tsinda akaba yaramaze gukatisha itike ya ¼ cy’irangiza.

Gahunda y’imikino y’umunsi wa kare

Kuri uyu wa Gatandatu, tariki 19 Kanama 2023 ni bwo  hakinwa imikino y’umunsi wa kane ari nayo ibanziriza imikino ya nyuma yo mu matsinda.

Mu itsinda A,  Mali irakina n’u Burundi (12h00), Nigeria ikine na Misiri (13h00) naho Cameroun ikine na Algeria (18h00).

Mu itsinda B, ikipe ya Lesotho irakina na Burkina Faso (11h00), ikipe y’u Rwanda ikine na Uganda (14h00) naho Kenya ikine na Maroc (16h00).

Yanditswe na NYIRANEZA JUDITH

  • Imvaho Nshya
  • Kanama 19, 2023
  • Hashize amezi 9
TANGA IGITEKEREZO
Andika igitekerezo

AMATEGEKO AGENGA IYANDIKA RY'IGITEKEREZO CYAWE