22°C , Partly cloudy | Kigali-Rwanda

Volleyball: Gisagara VC na RRA VC zaratunguwe muri “Memorial Kayumba 2018”

Yanditswe na BIZIMANA ERIC

Ku ya 20-02-2018 saa 07:12:41
Abakinnyi ba UTB mu byishimo nyuma yo kwegukana igikombe

Mu gihe zaje zihabwa amahirwe, ikipe ya Gisagara VC mu bagabo na RRA mu bagore ntizabashije kwigaragaza no kwegukana ibikombe mu irushanwa ryo kwibuka Padiri Kayumba Emmanuel wahoze ari umuyobozi wa GSO Butare.

Abakinnyi ba UTB mu byishimo nyuma yo kwegukana igikombe

Iri rushanwa ryabaye  tariki 17-18 Gashyantare 2018 ryitabirwa n’amakipe 44 mu byiciro bitandukanye, ikipe ya Gisagara VC  yaje ihabwa amahirwe ntibyayibujije gutungurwa na UTB VC iyitsinda amaseti 3-2 nyamara Gisagara ariyo yabanje amaseti abiri ya mbere muri ½ k’iri rushanwa. UTB nyuma yo gusezerera Gisagara VC yanatsinze APR VC amaseti 3-1 ku mukino wa nyuma mu buryo butayigoye ihita yegukana igikombe.

Irakarama Guillaume ukinira UTB yavuze ko baje bize uburyo bari bubuze amahwemo Mukunzi Christophe na Sibomana Placide Madison kuko ari bo iyi kipe igenderaho. Kapiteni wa Gisagara VC, Mukunzi Christophe  yabwiye Imvaho Nshya ko bazize kuba batamenyereye gukinira  hanze ku bibuga bitari byiza bitandukanye n’icyo mu nzu y’imikino i Gisagara.

RRA mu bagore nayo muri ½ yatsinzwe na Ruhango VC  amaseti 3-0, gusa itsindirwa ku mukino wa nyuma na  APR VC amaseti 3-0 ihita yegukana iki gikombe.

Mu kiciro cy’amashuri, umukino wahuzaga PSVF Karubanda na GS St Joseph warasubitswe kubera imvura nyinshi. Uyu mukino ukaba uzakinwa tariki 24 Gashyantare 2018.

Mu bakina Beachvolleyball, Ikipe ya Kansiime Julius na Mudahinyuka Christophe ni yo yegukanye igikombe igitwaye iyari igizwe na Nyirimana Fidele na Gasana.

Padiri Rwirangira Pierre Celestin, avuga ko kuba amakipe yitabiriye yari menshi ari ibintu byo kwishimira.

 

Umwanditsi:

BIZIMANA ERIC

Tanga Igitekerezo

Email yanyu ntigaragazwa ku rubuga. Amazina na Email ni ngombwa.