27°C , Partly sunny | Kigali-Rwanda

Uwizeyimana yegukanye intera ya 5 ahita ayobora isiganwa muri Cameroun

Yanditswe na BUGINGO FIDELE

Ku ya 01-06-2018 saa 08:00:05
Uwizeyimana Bonaventure ni we uyoboye isiganwa kugeza ubu

Uwizeyimana Bonaventure ejo hashize tariki 31 Gicurasi 2018 yegukanye intera 5 mu isiganarwa ririmo kubera muri Cameroun ahita afata umwanya wa mbere.

Uwizeyimana Bonaventure ni we uyoboye isiganwa kugeza ubu

Iyi ntera yavaga ahitwa Mbanga igasorezwa Bafang ahareshaga  n’ibilometero  121,5. Uwizeyimana wari uri ku mwanya wa 7 ku rutonde rusange yegukanye iyi ntera akoresheje  amasaha 3, iminota 23 n’amasegonda 37,  iyuma ye haje Varhanovsky Jakub ukinira Dukla Banska Bystrica yo muri Slovakia  (03h24’57’), Tientcheu Michel wo muri Cameroun (03h24’58”) naho ku mwanya wa 4 haza Bamba Karamoko wo muri Cote d’Ivoire (03h26’02”).

Undi mukinnyi w’u Rwanda waje hafi ni Hadi Janvier (5) na Ukiniwabo Jean Paul René (10).

Nyuma y’iyi ntera 5 ariko akaba ari intera 4 zimaze gukinwa, Uwizeyimana Bonaventure arayoboye aho mu bilometero   639.6 amaze gukoresha amasaha 13, iminota 52 n’amasegonda 33.

Akurikiwe na  Haring Martin ukinira ikipe ya Dukla Banska Bystrica yo muri Slovakia umaze gukoresha amasaha 13, iminota 56 n’amasegonda 03, bivuze ko Uwizeyimana yamushyizemo ikinyuranyo k’iminota 3 n’amasegonda 30.

Abandi bakinnyi b’u Rwanda baza hafi ni Byukusenge Patrick (5), Ukiniwabo (6), Munyaneza (14), Hadi (18) na Nsengimana (21).

Uyu munsi tariki 01 Kamena 2018  harakinwa intera ya 6 yo kuva Bafoussam bakagera Dschang bagasubira Bafoussam (98 km).

 

 

 

 

 

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.