21°C , Mostly cloudy | Kigali-Rwanda

Umuryango World Vision wijeje gukomeza ubufatanye n’u Rwanda

Yanditswe na Imvaho Nshya

Ku ya 24-02-2021 saa 22:18:02

Kuri uyu wa Gatatu taliki 24 Gashyantare 2021,  Minisitiri w’Ububanyi n’Amahanga n’Ubutwererane w’u Rwanda “MINAFFET”, Dr. Biruta Vincent  yagiranye ikiganiro hifashishijwe ikoranabuhanga n’Umuyobozi  Mukuru  w’Umuryango mpuzamahanga  World Vision mu karere k’Afurika y’u Burasirazuba, Stephen G.R. Omollo.

Ibi biganiro ahanini byibanze ku bufatanye bw’uyu muryango  na Leta y’u Rwanda  mu bijyanye n’imibereho myiza y’abaturage cyane cyane ubuzima bwiza bw’abana.

Umuyobozi wa World Vision muri aka karere, Stephen Omollo yatangaje ko ari iby’igiciro  kuba yagiranye ibiganiro na Minisitiri Dr. Biruta  ku bufatanye  World Vision  ifitanye n’u Rwanda anizeza ko buzakomeza.

Umuyobozi wa World Vision muri aka Karere k’Afurika y’u Burasirazuba, Stephen Omollo asinya ku masezerano y’ubufatanye n’u Rwanda

Nyuma y’ibiganiro hakaba habayeho  gusinya amasezerano mashya y’ubufatanye  aho intego  ari ugufasha mu kuzamura imibereho myiza y’abana mu Rwanda ndetse no muri aka Karere k’Afurika y’u Burasirazuba.

Umuryango wa World Vision muri aka Karere k’Afurika y’u Burasirazuba ufite icyicaro i Nairobi muri Kenya  ukorera mu bihugu 9 birimo South Sudan, Ethiopia, Kenya, Somalia, Sudan, Uganda, u Burundi,Tanzania n’u Rwanda.

Uyu muryango umaze imyaka 40 watangiye gukorera  mu Rwanda mu 1994 aho ukorera mu turere 24 ukaba  wariyemeje kugeza amazi meza n’ isuku kuri bose  aho bakorera hose mu gihugu.

Uyu muryango kandi wanubatse imiyoboro   irenga  120 yo kugeza amazi meza  mu mashuri 53  aho bifasha abana 32 510 kubona amazi meza.

 

Umwanditsi:

Imvaho Nshya

Tanga Igitekerezo

Email yanyu ntigaragazwa ku rubuga. Amazina na Email ni ngombwa.