Kigali-Rwanda

Mostly cloudy
18°C
 

Umugabo wacanzwe n’amasano bamujyanye mu kigo cy’abasazi i Ndera…

Yanditswe na Imvaho Nshya

Ku ya 03-08-2020 saa 12:04:38

Umugabo bamujyanye mu kigo bavuriramo abasazi i Ndera, rimwe muganga umuvura abonye ko uwo musazi atavuga amateshwa aramubaza ati: “Ese nkawe ni iki cyatumye bakuzana hano?”

Umusazi ati: “Ndakubwira”. Aratangira ati: “Nashatse umugore w’umusumbakazi (umugore usanzwe ufite umwana yabyaye ahandi) azana umwana w’umukobwa, bukeye data arongora uwo mukobwa.

Ubwo umugore wange aba abaye nyirabukwe wa data, kandi ari we sebukwe, nange mba mbaye sebukwe wa data, nawe aba abaye umukwe wange, wa mukobwa namushyingiye aba nyirabukwe wa nyina na nyina ahinduka umukazana w’umukwe we”.

Yarakomeje ati: “Haciye umwaka wa mukobwa abyara umwana w’umuhungu, uwo mwana aba murumuna wange, aba n’umwuzukuru wange. Nange nza kubyara umwana w’ umuhungu. Wa mukobwa data yarongoye aba mushiki we kandi ari nyirakuru. Wa mwana w’uwo mukobwa aba se wabo w’uwange kandi aba na mwishywa we. Umuhungu wange na we aba nyirarume wa muramu wange kandi ari umuhungu wabo”.

Yunzemo ati: “ None rero ndi sebukwe wa data. Umuhungu wange ni muramu wa data kandi ari umwuzukuru we. Byongeye kandi uwo mwana arambyaye kuko ari musaza wa nyirabukwe n’umugore wange. Umugore wange ni nyogokuru kuko ari nyina wa Mukadata. Nange ubwange ndi sogokuru wange kuko mbyaye mukadata nkaba n’umugabo wa nyogokuru”.

Umusazi arangije ati: “Narabibatekerereje babonye ari nk’amayobera banzana hano banyita Umusazi”.
Muganga nawe aba aravangiwe bahita bamuha igitanda i Ndera!

Umwanditsi:

Imvaho Nshya

6 Comments on “Umugabo wacanzwe n’amasano bamujyanye mu kigo cy’abasazi i Ndera…”

Tanga Igitekerezo

Email yanyu ntigaragazwa ku rubuga. Amazina na Email ni ngombwa.