22°C , Mostly cloudy | Kigali-Rwanda

Uganda yarekuye abandi Banyarwanda 12

Yanditswe na Imvaho Nshya

Ku ya 07-07-2020 saa 10:03:00

Mu gitondo cyo kuri uyu wa Kabiri tariki ya 07 Nyakanga 2020, u Rwanda rwakiriye abandi Banyarwanda 12 bari bafungiye muri Uganda, bakaba bari bamaze igihe muri gereza z’icyo Gihugu. 

Abo Banyarwanda bakiriwe ku mupaka wa Kagitumba, biyongera ku bandi 79 bakiriwe mu ntangiro z’ukwezi gushize, bakaba bari mu 130 Uganda yemeye kurekura mu Banyarwanda 440 batangajwe ko bafungiwe muri icyo Gihugu.

Muri abo 440 byemejwe ko bari muri Gereza za Uganda harimo 310 bivugwa ko bagikurikiranyweho ibyaha bitabdukanye.

Mbere yo kwinjira mu Biro by’Abinjira n’Abasohoka bya Uganda buri wese yakarabaga intoki n’amazi meza n’isabune, akanapimwa umuriro nka kimwe mu bimenyetso bya COVID-19.

Biteganyijwe ko bava ku mupaka wa Kagitumba berekeza i Rukara mu Karere ka Kayonza aho bacumbikirwa mu nyubako za Kaminuza bakamaramo iminsi irindwi kugira ngo harebwe niba ntawe urwaye COVID-19.

Umwanditsi:

Imvaho Nshya

Tanga Igitekerezo

Email yanyu ntigaragazwa ku rubuga. Amazina na Email ni ngombwa.