16°C , Partly cloudy | Kigali-Rwanda

Triathlon:  Mu karere ka Nyagatare hagiye kubera irushanwa ku nshuro ya mbere

Yanditswe na BUGINGO FIDELE

Ku ya 13-03-2020 saa 07:29:36
Perezida w’ishyirahamwe ry’umukino wa Triathlon mu Rwanda “RTF”, Mbaraga Alexis

Tariki 14 Werurwe 2020 mu Karere ka Nyagatare  hazabera irushanwa  ry’umukino  ukomatanya imikino 3 irimo kunyonga igare, kwiruka n’amaguru no koga “Trithlon” ku nshuro ya mbere ariko hakazakinwa imikino 2 ari yo  kunyonga igare no kwiruka n’amaguru “Duathlon”.

Perezida  w’ishyirahamwe ry’umukino wa Triathlon mu Rwanda “RTF”, Mbaraga Alexis  yatangaje  impamvu bahisemo  gutangiza iri rushanwa rya “Duathlon”  mu karere ka Nyagatare.

Yagize ati: “Muri Nyagatare twabonye ko hava impano nyinshi muri siporo zitandukanye n’umupira w’amaguru, Volleyball n’izindi, twifuje ko Triathlon na yo yashinga imizi  Nyagatare ndetse tukanazamura  ubukerarugendo  muri aka karere.”

Mbaraga yakomeje avuga ko iri rushanwa rizajya riba buri mwaka kugira ngo bakomeza bazamure impano. Avuga ko atari aha honyine kuko bazakomeza  gukorera amarushanwa  mu gihugu hose mu rwego rwo  gushaka abakinnyi bafite  impano bakazarushanwa ku rwego mpuzamahanga.

Iri rushanwa ni rya kabiri muri uyu mwaka wa 2020 kuko irya mbere ryakiniwe muri Kigali tariki  22 Gashyanyare 2020.

Biteganyijwe ko nyuma y’iri rushanwa, tariki 21 Werurwe 2020 hazakurikiraho irushanwa rizabera i  Karongi aho noneho  hazakinwa ibiciro bitatu, kwiruka n’amaguru kunyonga igare no koga.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.