Kigali-Rwanda

Mostly cloudy
21°C
 

Tennis: Niyonkuru na Rivet begukanye ikiciro cya kabiri k’irushanwa ry’abatarengeje imyaka 18

Yanditswe na BUGINGO FIDELE

Ku ya Jun 29, 2019

Niyonkuru Aisha ukomoka i Burundi yegukanye ikiciro cya kabiri k’irushanwa mpuzamahanga mu batarengeje imyaka 18 “1st Rwanda Interntional Junior open 2019” mu bangavu akaba ari nawe wari wegukanye ikiciro cya mbere k’iri rushanwa.

Ikiciro cya mbere k’iyi mikino cyari cyabaye tariki 17 kugeza 22 Kamena 2019. Imikino y’ikiciro cya kabiri yatangiye tariki 24 kugeza 29 Kamena 2019 yitabirwa n’abakinnyi 76 baturutse mu bihugu 23 ku Isi yose birimo u Bufaransa, u Burundi, Uganda, u Buhinde, Israel, Afurika y’Epfo, Comores, Kenya, Madagascar, u Bwongereza, Ethiopia, Misiri , u Burusiya, u Busuwisi, Mali ,Nigeria , Zimbabwe, Romania, RDC, Australia, Ghana n’u Rwanda.

Tariki 28 Kamena 2019 ni bwo habaye imikino ya nyuma mu bakina ari babiri maze mu banganvu, ikipe yari igizwe na Hosiane Kitambala na Niyonkuru Aisha ( Burundi) batsinze ikipe ya Lebedeva Sofia na Valitova Arine (Russia) amaseti 2-1 (3-6,6-3 na 10-4). Mu ngimbi, Penman Charlie na Scott Andreas batsinze Kabura na Shokeir Ally amaseti 2-0 ( 6-2 na 6-4).

Mu bakina ari umukinnyi umwe kuri umwe, mu ngimbi, Rivet Maxence ukomoka mu Bufaransa yatsinze Mann Omer wo muri Israel amaseti 2-0 ( 6-2 na 6-4) naho mu bangavu, Niyonkuru Aisha atsinda Valitova Arina wo mu Burusiya amaseti 2-1 (4-6,6-4 na 6-4).

Muri iyi mikino yabaye mu byiciro bibiri, ikabera muri Cercle Sportif de Kigali mu Rugunga, abakinnyi bari baserukiye u Rwanda bagera ku 10 ntabwo bitwaye kuko batigeze barenga imikino y’amajonjora.

Aya marushamwa akaba yari mu rwego rwo gufasha aba bakinnyi bitabiriye gushaka amanota atuma bujya ku rutonde rw’abakinnyi bazwi mu ishyirahamwe mpuzamahanga ry’umukino wa Tennis “ITF”.

Abakinnyi bitwaye neza mu byiciro byose