25°C , Partly cloudy | Kigali-Rwanda

Tennis: Ikipe y’u Rwanda yegukanye irushanwa ry’abakiri bato muri  Tanzania

Yanditswe na Fidèle Bugingo

Ku ya 16-01-2020 saa 09:07:59
Ikipe y'u Rwanda nyuma yo kwegukana igikombe

Ikipe y’u Rwanda  mu batarengeje imyaka 14 na 16 yitwaye neza yegukana  umwanya wa mbere mu   irushanwa mpuzamahanga  ry’abakiri bato ITF/CAT Eastern African Junior Individual Competition for U-14 & U-16” ryabereye muri Tanzania kuva tariki 06 kugeza 14 Mutarama 2020.

Iyi kipe y’u Rwanda yari igizwe n’abakinnyi 9 bari muri ibi byiciro byombi by’imyaka bakaba bari bagiye bafite intego yo kwegukana umwanya wa mbere.

Mu gukina umukinnyi ku giti ke,  Hakizumwami Junior  yegukanye umwanya wa mbere mu batarengeje imyaka 14 mu bahungu mu gihe mu bakobwa, Nishimwe Carine yegukanye umwanya wa mbere. Mu bahungu batarengeje imyaka 16, Mfashingabo Junior yatsindiwe ku mukino wa nyuma.

Mu bakina ari babiri ikipe y’abahungu batarengeje imyaka 14 igizwe na  Hakizumwami na  Manishimwe Emmanuel yegukanye umwanya wa mbere mu gihe ikipe y’abakobwa igizwe na Nishimwe carine na Tuyishimire Rona  nayo yegukanye umwanya wa mbere.

Nyuma y’iyi mikino hakurikiyeho amakipe y’ibihugu nabwo hakinwa ikiciro cy’abakinnyi ku giti cyabo ndetse n’ikiciro cy’abakinnyi babiri.

Nyuma y’iyi mikino  yabaye mu byiciro byose, ikipe y’u Rwanda ni yo yitwaye neza yegukana umwanya wa  mbere mu bihugu 9 byari byitabiriye birimo Kenya, Tanzania, Burundi, Uganda, Seychelles, Eritrea, Comores  na Somalia.

Abakinnyi baserukiye u Rwanda

Mu bahungu batarengeje imyaka 14 hari Hakizumwami Junior, Manishimwe Emmanuel na Niyonkuru Fabrice naho mu batarengeje imyaka 16 hari Mfashingabo Junior, Iradukunda Delphin na Habiyambere Kevin Prince. Ikipe y’abahungu iri kumwe n’umutoza Ndugu Philbert.

Mu bakobwa hari abatarengeje imyaka 14 ari bo Carine Nishimwe na Tuyishimire Rona na Mbayu Shema Annabelle. Umutoza w’ikipe y’igihugu mu bakobwa akaba ari Umulisa Joseline. Muri 2019, ikipe y’u Rwanda ikaba yari yegukanye umwaka wa 4.

Hakizumwami Junior wegukanye umwanya wa mbere mu batarengeje imyaka 14 mu bahungu

Nishimwe Carine wegukanye umwanya wa mbere mu batarengeje imyaka 14 mu bakobwa

Mfashingabo Junior mu bahungu batarengeje imyaka 16 yatsindiwe ku mukino wa nyuma

Ambasaderi w’u Rwanda muri Tanzania, Maj Gen Karamba Charles  iyi kipe nyuma yo kwitwara neza

Umwanditsi:

Fidèle Bugingo

Tanga Igitekerezo

Email yanyu ntigaragazwa ku rubuga. Amazina na Email ni ngombwa.