26°C , Partly sunny | Kigali-Rwanda

Sudani y’Epfo: Visi Perezida Riek Machar n’umugore we banduye COVID-19

Yanditswe na Imvaho Nshya

Ku ya 19-05-2020 saa 12:13:19

Visi Perezida wa Sudani y’Epfo Dr. Riek Machar, umugore we ari na we Minisitiri w’Ingabo Angelina Teny,  na bamwe mu bayobozi bamubaga hafi muri ibi bihe yari mu itsinda ryashyiriweho kurwanya icyorezo cya Koronavirusi (COVID-19) basanzwe baranduye.

Machar yatangaje ko ko abantu hafi ya bose bari ku ruhembe rw’imbere muri icyo Gihugu basanzwe baranduye, bisaba ko hajyaho irindi tsinda rishya ryakomeje imirimo yabo.

Yavuze ko nubwo yasanzwe yaranduye nta bimenyetso by’iyi virusi yiyumvamo , ariko ko yemeza ko agiye kwishyira mu kato k’iminsi 14.

Madamu Angelina Teny, na bamwe mu barinzi babo babasanzemo icyo cyorezo, kimwe n’abandi bataratangazwa umubare bahuye na bo muri ibi bihe.

Riek Machar yipimishije kuwa 13 Gicurasi 2020, nyuma y’uko umwe mu bagize itsinda rya Leta riyoboye ibikorwa byo kurwanya Koronavirusi yipimishije bakamusanga na we yaramaze kwandura .

Ishami ry’Umuryango w’Abibumbye ryita ku Buzima (OMS), rivuga ko Sudani y’Epfo imaze kugira abantu banduye iyi virusi 282 mu gihe abantu bane bamaze guhitanwa na yo.

Mu cyumweru gishize, Loni yavuze ko abantu babiri baba mu nkambi z’abavanywe mu byabo n’intambara ya gisivili imaze igihe muri iki gihugu, na bo banduye covid-19, bitangira kuzamura ubwoba bwishi n’impungenge ko ishobora gukwirakwira vuba mu nkambi zibarirwamo abantu basaga 30,000 i Juba n’inndi iri Bentiu irimoabantu 120,000.

Umwanditsi:

Imvaho Nshya

Tanga Igitekerezo

Email yanyu ntigaragazwa ku rubuga. Amazina na Email ni ngombwa.