Kigali-Rwanda

Partly cloudy
18°C
 

Sitting Volleyball: Gisagara na Bugesera zegukanye shampiyona ya 2018

Yanditswe na NKOMEJE GUILLAUME

Ku ya 29-05-2018 saa 07:33:27
Gisagara yegukanye igikombe cya shampiyona ya Sitting Volleyball nyuma yo gutsinda Intwari bari bahanganye

Ikipe y’Akarere ka Gisagara mu bagabo na Bugesera mu kiciro cy’abagore zegukanye igikombe cya shampiyona y’umukino wa Volleyball y’abafite ubumuga “Sitting Volleyball” muri uyu  mwaka w’imikino wa 2017-2018.

Gisagara yegukanye igikombe cya shampiyona ya Sitting Volleyball nyuma yo gutsinda Intwari bari bahanganye

Iyi shampiyona yabaye mu byiciro 3 “Phase” yitabirwa n’amakipe 11 y’abagabo na 8 y’abagore, yari yatangiye tariki 13 Mutarama 2018,  i Gicumbi, yasorejwe mu nzu y’imikino i Gisagara  tariki 27 Gicurasi 2018.

Gisagara yegukanye   igikombe nyuma yo kwitwara neza itsinda Intwari za Gasabo amaseti 2-0. Iyi Gisagara inafite iki gikombe cy’umwaka ushize, gutsinda uyu mukino byayihaye amahirwe yo kuba aba mbere n’amanota 30, ikurikirwa n’ Intwari  n’amanota 28.

Muri iki kiciro kandi, Rubavu yasoje shampiyona iri ku mwanya wa 3 n’amanota 26, Rusizi ya 4 na 22, Musanze ya 5 na 21, Gicumbi 6  na 18,  Kicukiro na 18, Cottraru na 18, Rulindo na 16, Ruhango na 14 naho Huye ni iya nyuma (11) n’amanota 12.

Mu bagore, Bugesera biyigoye na yo yaje kwegukana igikombe itsinze Intwari za Gasabo bari bahanganye amaseti 2-1. Iyi Bugesera yiyubatse muri uyu mwaka, yasoje iri ku mwanya wa mbere n’amanota 27, ikurikirwa n’Intwari n’amanota 25.

Gicumbi yari ifite iki gikombe cy’umwaka ushize wa 2017 yabaye iya 3 n’amanota 21,  Rubavu na 20,  Nyarugenge na 19,  Gakenke na 17,  Musanze na 14,  Ruhango na 13,  Rulindo na 11 naho Cottraru ni ya nyuma (8) n’amanota 11.

Ikipe ya mbere muri buri kiciro yashyikirijwe igikombe, imipira yo gukina (2) n’imyambaro yo gukinana, iya kabiri yahawe imyambaro yo gukinana n’imipira yo gukina (2), iya gatatu ihabwa imupira wo gukina (2).

 

 

Umwanditsi:

NKOMEJE GUILLAUME

Tanga Igitekerezo

Email yanyu ntigaragazwa ku rubuga. Amazina na Email ni ngombwa.