25°C , Partly sunny | Kigali-Rwanda

Shampiyona y’u Rwanda igeze ku munsi wa 27

Yanditswe na BUGINGO FIDELE

Ku ya Jun 18, 2018

Uyu munsi

Etincelles FC-Bugesera FC (Rubavu-15h30)
Rayon Sports-Gicumbi FC (Nyamirambo-18h30)
Kiyovu- Kirehe FC (Mumena-15h30)
Musanze FC-Espoir FC (Musanze-15h30)
Amagaju FC-Sunrise FC (Nyagisenyi-15h30)
Marines FC-Mukura (Rubavu 13h00)
AS Kigali-Police FC (Nyamirambo-15h30)
Miroplast-APR FC (Mironko-15h30)

Shampiyona y’ikiciro cya mbere mu mupira w’amaguru irimo kugana ku musozo, uyu munsi tariki 18 Kamena 2018 hateganyijwe imikino y’umunsi wa 27. Imikino yose uko ari 8 ikaba iza kubera umunsi umwe.

APR FC iyoboye urutonde rwa shampiyona irakina na Miroplast FC iri ku mwanya wa nyuma

Mu mikino itegerejwe cyane ni umukino wa ugomba guhuza ikipe ya Miroplast FC   ku mwanya wa nyuma wa 16 n’amanota 18 na APR FC iyoboye urutonde ndetse ishaka n’amanota kugira ngo yizere kwegukana igikombe cya shampiyona.

N’ubwo ikipe ya Miroplast FC isa n’aho ntacyo iramira kuko yamaze kumanuka mu kiciro cya kabiri, umukino ubanza yari   yagoye cyane  APR FC  kuko  zanganyije 0-0, umukino wabereye i Nyamirambo.

Umukino w’uyu munsi urabera kuri Sitade ya Mironko i Gikondo aho iyi kipe ikunze kwihagararaho dore ko yahatsindiye Kiyovu ndetse ikahanganyiriza na Rayon Sports igitego 1-1.

Undi mukino utegerejwe ni uza guhuza ikipe ya AS Kigali ubu iri ku mwanya wa kabiri ku rutonde rwa shampiyona ndetse na Police FC itari yatsindwa umukino n’umwe kuva yafatwa n’umutoza Albert Mphande ukomoka muri Zambia.

Nyuma y’uyu mukino, ikipe ya Rayon Sports irakira Gicumbi FC, umukino uteganyijwe saa kumi n’ebyiri n’igice (18h30).

Indi  mikino iteganyijwe

Ikipe ya Etincelles FC irakira Bugesera FC, Kiyovu yakire Kirehe FC, Musanze FC yakire Espoir FC, Amagaju FC yakire Sunrise FC naho Marines FC yakire Mukura.

Mbere y’iyi mikino, APR FC irayoboye n’amanota 54 ikurikiwe na AS Kigali n’amanota 51 na Rayon Sports ifite amanota 45. Ku mwanya wa nyuma wa 16 hari Miroplast FC n’amanota 18