Kigali-Rwanda

Partly sunny
25°C
 

Shampiyona irasubukurwa hakinwa imikino y’umunsi wa 6

Yanditswe na Bugingo Fidèle

Ku ya 29-11-2018 saa 08:12:29
Shampiyona irasubukurwa hakinwa imikino y’umunsi wa 6

Uyu munsi
Bugesera FC-Gicumbi FC (Nyamata-15h30)
Musanze FC-Amagaju FC (Musanze-15h30)
AS Kigali-Sunrise FC (Nyamirambo-15h30)

Tariki 30-11-2018
Kirehe FC-Police FC (Kirehe-15h30)
Marines FC-Espoir FC (Rubavu-15h30)

Tariki 01-12-2018
Etincelles FC-AS Muhanga (Rubavu-15h30)
Tariki 02-12-2018
Kiyovu-Rayon Sports (Nyamirambo-15h30)

Shampiyona y’u Rwanda mu kiciro cya mbere mu mupira w’amaguru ya 2018-2019 irasubukurwa hakinwa imikino y’umunsi wa 6 tariki 29 Ugushyingo kugeza 02 Ukuboza 218.

Nyuma y’imikino y’umunsi wa 5 yabaye tariki 11 Ugushyingo 2018 ni bwo shampiyona yasubitswe kubera imyiteguro y’ikipe y’igihugu nkuru n’iy’abatarengeje imyaka 23 kuko ziteguraga imikino y’Afurika.

Mu mikino yari iteganyijwe kuri uyu munsi wa 6 wa shampiyona, uwagombaga guhuza ikipe ya Mukura na APR FC wimuwe kuko aya makipe arimo gukina imikino y’Afurika.

Uyu munsi tariki 29 Ugushyingo 2018 hateganyijwe imikino 3 harimo uza guhuza ikipe ya Bugesera FC na Gicumbi FC, Musanze FC ikine n’Amagaju FC naho AS Kigali itaratsinda umukino n’umwe yakire Sunrise FC.

Imikino izakomeza ejo tariki 30 Ugushyingo 2018 aho Kirehe FC izakira Police FC naho Marines FC yakire Espoir FC.

Tariki 01 Ukuboza 2018, ikipe ya Etincelles FC yasoje shampiyona iheruka ya 2017-2018 ku mwanya wa 4 ubu ikaba iri mu myanya 3 ya nyuma irakira ikipe ya AS Muhanga yavuye mu kiciro cya kabiri uyu mwaka ikaba yaratangiye neza shampiyona kuko mu mikino 5 itaratsindwa.

Kiyovu na Rayon Sports, umukino utegerejwe na benshi

Shampiyona irasubukurwa hakinwa imikino y’umunsi wa 6

Umukino utegerejwe cyane kuri uyu munsi wa 6 wa shampiyona ni uzahuza ikipe ya Kiyovu na Rayon Sports uzaba tariki 02 Ukuboza 2018 ukabera kuri Sitade ya Kigali.

Uyu mukino nta bwo uzaba woroshye cyane ku ruhande rwa Kiyovu ishaka gukuraho amateka atari meza kuko hashize imyaka 6 itabasha gutsinda Rayon Sports muri shampiyona.

Mu myaka 5 iheruka kuva muri 2013, izi kipe zimaze gukina imikino 10, muri iyi mikino Rayon Sports yatsinze 8 zinganya imikino 2. Kiyovu ikaba iheruka gutsinda Rayon Sports muri shampiyona ya 2011-2012.

Mbere y’uko aya makipe ahura, Rayon Sports ni yo ihagaze neza kuko iri ku mwanya wa 3 ku rutonde rwa shampiyona n’amanota 12 mu gihe Kiyovu iri ku mwanya wa 6 n’amanota 7. Mu mikino 5 iheruka, Rayon Sports yatsinze 4 itsindwa umwe naho Kiyovu itsinda 2 inganya umwe itsindwa imikino 2.

Mbere y’imikino y’umunsi wa 6, ikipe ya APR FC ni yo iyoboye n’amanota 15 igakurikirwa na Mukura ifite 13 naho Rayon Sports na Police FC zigakurikiraho n’amanota 12. Ku mwanya wa nyuma wa 16 hari Gicumbi FC ifite inota 1.

 

Umwanditsi:

Bugingo Fidèle

Tanga Igitekerezo

Email yanyu ntigaragazwa ku rubuga. Amazina na Email ni ngombwa.