19°C , Partly cloudy | Kigali-Rwanda

Scandinavia irakira AS Kigali mu mukino werekana uwegukana igikombe

Yanditswe na BUGINGO FIDELE

Ku ya 02-06-2018 saa 07:24:15
Ubwo AS Kigali yatsindaga Scandinavia WFC igitego 1-0 mu mukino ubanza wa shampiyona

Rambura-Gakenke (Rambura-15h00)
Bugesera-Kamonyi (Kamabuye-15h00)
Inyemera-ES Mutunda (Gicumbi-15h00)
Scandinavia-AS Kigali (Rubavu-15h00)

Ubwo AS Kigali yatsindaga Scandinavia WFC igitego 1-0 mu mukino ubanza wa shampiyona

Shampiyona y’u Rwanda  y’ikiciro cya mbere mu mupira w’amaguru mu bagore igeze ku  musozo ahategerejwe  umukino ugomba guhuza ikipe ya Scandinavia ibarizwa i Rubavu na AS Kigali  ari na wo uzerekana ikipe yegukana igikombe cya shampiyona ya 2018.

Uyu mukino uza kuba uyu munsi tariki 02 Kamena 2018, AS Kigali imaze imyaka 9 yiharira shampiyona y’u Rwanda  iyoboye urutonde rwa shampiyona n’amanota 36 igakurikirwa na Scandinavia na yo ifite amanota 36.  Izi kipe zombi zikaba ziza kwisobanura hakamenyekana iyegukanya igikombe. Umukino ubanza wahuje izi kipe, AS Kigali yatsize Scandinavia igitego 1-0.

Mu mikino 13 ya shampiyona, izi kipe zatsinze imikino 12 zitsindwa umukino 1. AS Kigali yinjije ibitego 51 yinjizwa 3 ikaba izigamye ibitego 43 naho  Scandinavia  yinjije ibitego 52 yinjizwa 3 bivuze ko izigamye ibitego 49.

Indi mikino iteganyijwe,  Rambura WFC  irakira  Gakenke WFC,  Bugesera WFC  yakire  Kamonyi WFC , Inyemera WFC  ikine na ES Mutunda.

Mu bakinnyi bamaze gutsinda ibitego byinshi ni  Nibagwire Anne (Scandinavia WFC)  ufite  12  anganya na  Iradukunda Callixte (AS Kigali WFC)  naho ku mwanya wa 3  hari  Ibangarye Anne Marie (Scandinavia WFC)  na  Mukeshimana Dorothe (AS Kigali WFC) bafite ibitego 10.

Hateganyijwe  n’imikino y’ikiciro cya kabiri

Mu kiciro cya kabiri, imikino ya shampiyona izaba ejo tariki 03 Kamena 2018 aho  Nasho WFC  izakira Gatsibo WFC i Nasho (14h00) naho Rugende WFC  yakire  Imanzi WFC  kuri FERWAFA (15h00).

 

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.