25°C , Partly sunny | Kigali-Rwanda

Sauti Sol yasubitse ibitaramo byayo i Burayi

Yanditswe na Ndamyirokoye François

Ku ya 19-03-2020 saa 16:05:42
Sauti Sol itsinda ryo muri Kenya

Sauti Sol itsinda ryo muri Kenya ryatangaje ko ryasubitse ibitaramo by’uruhererekane ryari rifite mu Bwongereza kubera icyorezo cya Covid-19.

Mu itangazo iri tsinda ryasohoye rivuga ko babajwe no gusubika ibitaramo bari bafite mu Bwongereza bakaba babisubitse kubera icyorezo cya Coronavirus.

Bagize bati “Tubabajwe no kubamenyesha ko ibitaramo byacu twari gukorera mu Bwongereza byasubitswe kubera Coronavirus.”

Bavuze ko bari gukorana n’ikipe ibafasha gutegura ibitaramo kugira ngo bemeze indi tariki ibi bitaramo bishobora kuberaho. Sauti Sol kandi yasabye abaguze amatike kuyagumana kuko bazayakoresha binjira nisubukura ibi bitaramo.

Sauti Sol isubitse ibi bitaramo ikurikira Umunya-Nigeria Davido ndetse n’Umunya-Tanzania Diamond wasubitse ibitaramo bitanu mu Burayi yise “Europe Tour”.

Iri tsinda ryagombaga gukorera ibitaramo mu Bwongereza mu mpera z’uku kwezi. Aba bahanzi kandi baherutse gusohora indirimbo  “Suzana”  imaze kurebwa n’abarenga miriyoni 5 ku rubuga rwa Youtube.

Iri tsinda rigizwe na Bien-Aimé Baraza akaba ari umwanditsi w’indirimbo akaba n’umuhanga mu gucuranga Piano, Willis Austin Chimano  akaba ari  umuririmbyi kabuhariwe uzi no guhuza amajwi.

Abandi ni Savara Mudigi w’umuhanga mu kuyobora amajwi, gutanganya indirimbo, umucuranzi wa gitari hakaba n’uwitwa  Polycarp Otieno, akaba  ari  umwanditsi w’indirimbo akaba ari n’umuhanga mu gucuranga gitari.

Mu ndirimbo Sauti Sol yakunzweho harimo iyitwa “Kuliko jana”, “Unconditionally Bae”, “Melanin”, “Nishike”, “Friendzone”, “

Umwanditsi:

Ndamyirokoye François

Tanga Igitekerezo

Email yanyu ntigaragazwa ku rubuga. Amazina na Email ni ngombwa.