Rugby:   U Rwanda rurakina na Ghana mu mukino ubanza w’imikino y’Afurika

Yanditswe na NKOMEJE GUILLAUME

Ku ya 09-05-2018 saa 06:00:43
Ubwo ikipe y'u Rwanda y'umukino wa Rugby yari igeze i Accra muri Ghana

Uyu munsi

Lesotho-Mauritius (13h00)

Rwanda- Ghana (15h00)

Uyu munsi tariki 09 Gicurasi 2018, ikipe y’u Rwanda mu mukino wa Rugby “Silverbacks” irakina na Ghana mu mukino wa mbere w’amarushanwa y’Afurika “African Bronze Cup” ubera mu Mujyi wa Cape Coast (15h00).

Ubwo ikipe y’u Rwanda y’umukino wa Rugby yari igeze i Accra muri Ghana

Aya marushanwa y’Afurika azamara iminsi ine, arimo kubera i Accra muri Ghana kuva uyu munsi tariki 09-13 Gicurasi 2018.

Umunyamabanga mukuru w’ishyirahamwe ry’umukino wa Rugby mu Rwanda “RRF”, Kamanda Tharcisse yabwiye Imvaho Nshya ko iyi kipe y’igihugu yari yahagurutse i Kigali ku wa Mbere tariki 7 Gicurasi 2018 yagezeyo amahoro kandi biteguye kwitwara neza muri uyu mukino bafitanye na Ghana iza kuba ikinira mu rugo.

Uyu mukino w’ikipe y’u Rwanda na Ghana uraza kuba wabanjirijwe n’uw’ ikipe Lesotho ihuramo na Mauritius (13h00).

Biteganyijwe ko amakipe aza kuba yatakaje iyi mikino, azahura mu mukino wo guhatanira umwanya wa 3 uzaba tariki 12 Gicurasi 2018 (13h00). Ni mu gihe umukino wa nyuma w’aya marushanwa abarizwa mu gice cy’Amagepfo, uzaba (15h00).

Mu mikino iheruka kubera muri Zambia kuva tariki 24-30 Mata 2017, u Rwanda nta bwo rwabashije gukatisha itike yerekeza mu kindi kiciro nyuma y’uko itsindiwe ku mukino wa nyuma na Zambia.

 

 

Umwanditsi:

NKOMEJE GUILLAUME

Tanga Igitekerezo

Email yanyu ntigaragazwa ku rubuga. Amazina na Email ni ngombwa.