Kigali-Rwanda

Partly cloudy
17°C
 

Rayon Sports izahura na Gicumbi FC muri ¼ mu gikombe cy’Amahoro 2019

Yanditswe na BUGINGO FIDELE

Ku ya Jun 16, 2019

Tariki 19-06-2019

Etincelles FC-Police FC (Rubavu-15h00)

AS Kigali-Gasogi (Regional-15h00)

Tariki 20-06-2019

Rayon Sports-Gicumbi  (Regional-15h00)

Intare FC-Kiyovu (Kicukiro-15h00)

Ikipe ya Rayon Sports yegukanye igikombe cya shampiyona ya 2018-2019 izahura na Gicumbi FC muri ¼ k’irangiza mu irushanwa ry’igikombe cy’Amahoro 2019.

Nyuma y’imikino yo kwishyura ya 1/8 yabaye tariki 15 na 16 Kamena 2019, amakipe 8 yitwaye neza yakomeje muri ¼ k’irangiza. Aya makipe akaba yaratomboye uko azahura.

Tariki 19 Kamena 2019, ikipe ya Etincelles FC izahura na Police FC kuri Sitade Rubavu. Iyi kipe ya Etincelles FC yageze muri ¼ isezereye Hope FC ku bitego 5-2 mu mikino yombi aho umukino ubanza wari warangiye ari ibitego 2-2 naho uwo kwishyura Etincelles FC itsinda Hope FC ibitego 3-0.  Ku ruhande rwa Police FC  yageze muri ¼ isezereye Etoile de l’Est ku bitego 3-2.

Undi mukino uzahuza AS Kigali  na Gasogi United. Ikipe ya AS Kigali yasezereye APR FC ku  gitego 1-0 mu mikino yombi. Umukino ubanza AS Kigali yatsinze APR FC igitego 1-0 naho uwo kwishyura birangira ari 0-0. Ikipe ya Gasogi United nayo yasezereye Rwamagana City FC ku  gitego 1-0.

Tariki 20 Kamena 2019, imikino ya ¼ izakomeza aho ikipe ya Rayon Sports izakina na Gicumbi FC. Rayon Sports yasezereye Marines FC iyitsinze ibitego 3-1. Umukino ubanza Rayon Sports yatsindiye Marines FC iwayo igitego 1-0 naho umukino wo kwishyura, Rayon Sports itsinda Marines FC ibitego 2-1. Ikipe ya Gicumbi FC ikaba yarasezereye Espoir FC  zinganya igitego 1-1 mu mikino yombi ariko Gicumbi FC yakomeje kuko yatsindiye  igitego hanze.

Undi mukino wa ¼ uzahuza ikipe y’Intare FC na Kiyovu. Intare FC yasezereye Bugesera FC ku giteranyo k’ibitego 4-2 mu mikino yombi naho Kiyovu isezerera Mukura ifite iki gikombe ku bitego 3-2.

Imikino yo kwishyura biteganyijwe ko izaba tariki 22 na 23 Kamena 2019  ari nabwo hazaba tombora y’uko amakipe azahura muri ½.

Nyuma yo gusezerera Marines FC muri 1/8, Rayon Sports izahura na Gicumbi FC muri ¼