29°C , Thunderstorms | Kigali-Rwanda

Rayon, APR FC, AS Kigali, Kiyovu na Mukura zatangiye nabi shampiyona

Yanditswe na Bugingo Fidèle

Ku ya 07-10-2019 saa 07:18:23
Rayon Sports yanganyije na Gasogi United mu mukino w'umunsi wa mbere wa shampiyona

AS Kigali 1-1 APR FC
Gasogi 0-0 Rayon Sports
Bugesera FC 2-0 Heroes FC
Etincelles FC 2-1 Kiyovu
Mukura 1-1 Espoir FC
Marines FC 2-0 Gicumbi FC
AS Muhanga 1-1 Musanze FC
Police FC 3-2 Sunrise FC

Ikipe ya Rayon Sports  yegukanye igikombe cya shampiyona iheruka ya 2018-2019  yatangiye nabi shampiyona ya 2019-2020 nyuma yo kunganya 0-0 n’ikipe ya Gasogi United yazamutse mu kiciro cya bere uyu mwaka, ikaba ari nayo yatwaye igikombe cya shampiyona y’ikiciro cya  kabiri.

Uyu mukino w’umunsi wa mbere wahuje izi kipe wabereye kuri Sitade  Amahoro i Remera  tariki 05 Ukwakira 2019. Izi kipe zanganyije 0-0, ku ruhande rwa Rayon Sports, rutahizamu wayo Michael Sarpong ahusha penariti ku munota wa 18 w’umukino.

Mu yindi mikio yabaye ikipe ya APR FC, AS Kigali, Kiyovu na Mukura nazo ntabwo zabashije kwegukana amanota 3 y’umunsi wa mbere.

Ikipe ya APR FC na AS Kigali ni zo zafunguye imikino ya shampiyona ya 2019-2020  aho  mu mukino wabereye kuri Sitade ya Kigali i Nyamirambo  tariki 04  Ukwakira 2019  izi kipe zanyije igitego 1-1. APR FC yatsindiwe na Usengimana Danny  naho AS Kigali itsindirwa na Rusheshangoga Micheal.

Ikipe ya Mukura yasoreje ku mwanya wa 3 muri shampiyona iheruka mu mukino w’umunsi wa mbere wa shampiyona ya 2019-2020 yakiriye ikipe ya Espoir FC kuri Sitade ya Huye umukino urangira izi kipe zombi zinganyije igitego 1-1. Mukura yatsindiwe na Ndayizeye Innocent naho Espoir FC itsindirw ana Renzaho Hussein.

Indi kipe itarahiriwe ku mukino w’umunsi wa mbere wa shampiyona ni Kiyovu yatsindiwe na Etincelles FC i Rubavu ibitego 2-1. Uyu mukino wabereye kuri Sitade ya Rubavu tariki 05 Ukwakira 2019, Etincelles FC yatsindiwe na Mutebi Rachid naho igitego rukumbi cya Kiyovu gitsindwa na Nizeyimana Jean Claude.

Police FC, Bugesera FC zitwaye neza

Ikipe ya Bugesera FC yitwaye neza itsinda Heroes FC ibitego 2-0  byatsinzwe na Mbaraga Jimmy na Mustafa Francis. Indi kipe yitwaye neza ni Police FC yatsinze Sunrise FC ibitego 3-2. Police FC yatsindiwe na Iyabivuze Osee, Nshuti na Ndayishimiye Antoine Dominique mu gihe ibitego bya Sunrise FC byatsinzwe na Wangi Pius na Babuwa Samson.

Ikipe ya Marines FC nayo yatangiye neza itsinda Gicumbi FC ibitego 2-0. Uyu  mukino wabereye kuri Sitade ya Rubavu. Marines FC yatsindiwe na Mugenzi Bienvenu na Muzerwa Amini.

AS Manga iwayo ikaba yaragabanye amanota 3 na Musanze FC nyuma yo kunga igitego 1-1. AS Muhanga yatsindiwe na Harerimana Jean Claude mu gihe Musanze FC yatsindiwe na  Harerimana Obed.

Imikino y’umunsi wa kabiri izakomeza tariki 08 na 09 Ukwakira 2019.

Umwanditsi:

Bugingo Fidèle

Tanga Igitekerezo

Email yanyu ntigaragazwa ku rubuga. Amazina na Email ni ngombwa.