17°C , Thunderstorms | Kigali-Rwanda

Rabagirana Worship Festival igiye kongera kuba

Yanditswe na Gisubizo Gentil

Ku ya 20-09-2019 saa 05:58:37
Nzahoyankuye Peace Nicodème ukuriye Rabagirana Worship Festival yanyuzwenuko igitaramo gishize cyagenze

Rabagirana Worship Festival gitaramo ngaruka mwaka cy’iserukiramuco rya gikirisitu binyuze mu ndirimbo kigiye kongera kuba ku nshuro yacyo ya kabiri.

Iki gitaramo kizahuriramo abakunzwe mu muziki wo kuramya no guhimbaza.

Iri serukiramuco ritegurwa na Christian Communication, rizabera mu Mujyi wa Kigali ku wa 10 Ugishyingo 2019, kuri hoteli Dove ku Gisozi.

Mu kiganiro n’umwe mu bashinzwe kumenyekanisha iby’iki gitaramo Nzahoyankuye Peace Nicodeme, yavuze ko iki gitaramo cy’iserukiramuco rya gikirisitu ryashyizweho hagendewe ku kuba nta gikorwa gihuza abaririmbyi batandukanye cyari kiriho buri mwaka gihoraho.

Yakomeje agira ati, “Twashakaga gutanga ubutumwa bugamije kwibutsa abaririmbyi ko bidahagije kugira impano gusa, ahubwo ko bakwiye kongeraho kwera imbuto”.

Nzahoyankuye Peace Nicodème ukuriye Rabagirana Worship Festival yanyuzwenuko igitaramo gishize cyagenze

Iki igitaramo ‘Rabagirana Worship Festival’ cyitabiriwa n’abantu b’ingeri zitandukanye barimo abakirisitu bo mu madini atandukanye n’abahanzi benshi, icy’uyu mwaka kikaba gifite insanganyamatsiko iri mu murongo wa bibiliya mu Abafilipi4:17 ikaba igira iti ‘Nyamara burya si impano ahubwo nshaka ko imbuto zongerwa kuri mwe’.

Rabagirana Worship Festival izitabirwa n’amatsinda atandukanye y’abaramyi akunzwe cyane muri iki gihe arimo nka New Melody, Alarm Ministries, Healing Worship Team, El Shaddai, Kumbaya Group ndetse na Sam Rwibasira.

Uretse aba bahanzi bavuzwe haruguru byitezwe ko haziyongeramo abandi bahanzi bakomeye, tutabashije kumenya amazina yabo ubwo twakoraga iyi nkuru, cyane ko ngo bakiri mu biganiro nabategura iki gitaramo.

Iri serukiramuco ryaherukaga kubera muri Serena Hotel i Kigali ku wa 4 Ugushyingo 2018, rikaba ryaritabiriwe n’abahanzi bakomeye mu ndirimbo zihimbaza Imana barimo nka Dominic Nic Ashimwe, Simon Kabera n’abandi.

Dominic Nic muri Rabagirana Worship Festival umwaka ushize yanyuze benshi

Umwanditsi:

Gisubizo Gentil

Tanga Igitekerezo

Email yanyu ntigaragazwa ku rubuga. Amazina na Email ni ngombwa.