22°C , Partly cloudy | Kigali-Rwanda

Police FC irakira AS Kigali ku munsi wa 12 wa shampiyona

Yanditswe na BIZIMANA ERIC

Ku ya 27-02-2018 saa 08:47:47
Iradukunda Eric Radou ukinira AS Kigali (ku mupira) ahanganye na Songa Isaie wa Police FC mu mukino uheruka kubahuza

Uyu munsi

Police FC – AS Kigali (Kicukiro-15h30)

Kirehe FC- Kiyovu Sports (Nyakarambi-15h30)

Ejo Tariki 28-02-2018

APR FC-Miroplast FC (Regional-15h30)

Mukura VS  – Marine FC (Huye-15h30)

Sunrise FC – Amagaju FC (Nyagatare-15h30)

Bugesera FC-Etincelles FC (Nyamata-15h30)

Tariki 01-03-2018

Gicumbi FC-Rayon Sports (Gicumbi-15h30)

Espoir FC- Musanze FC (Rusizi-15h30)

Shampiyona y’ikiciro cya mbere y’umupira w’amaguru irakomeza ku munsi wayo wa 12 guhera uyu munsi aho ikipe ya Police FC ya gatanu n’amanota 18 yakira AS Kigali ya kabiri n’amanota 21. Uyu mukino urabera kuri Sitade ya Kicukiro aho ikipe ya Police FC isanzwe yakirira imikino yayo.

Iradukunda Eric Radou ukinira AS Kigali (ku mupira) ahanganye na Songa Isaie wa Police FC mu mukino uheruka kubahuza

Police FC igiye guhura na AS Kigali yaherukaga gutsinda Marines FC igitego 1-0, insinzi yaje nyuma y’imikino 5 nta nsinzi; naho AS Kigali, yanyagiye Kirehe FC ibitego 3-1 mu mukino uheruka, imaze imikino 6 itaratsindwa. Imibare yerekana ko mu mikino 16 yahuje aya makipe, Police FC yatsinzemo 9, banganya 4, AS Kigali itsindamo imikino ine gusa.

Mu wundi mukino; ikipe ya Kiyovu Sports imaze imikino 8 idatsindwa, inayoboye urutonde rwa shampiyona n’amanota 23 irakira Kirehe FC ifite insinzi imwe mu mikino 5 ikaba n’iya 13 n’amanota 10.

Ejo, ikipe ya APR FC ya gatatu n’amanota 20 izakira Miroplast FC ya nyuma n’amanota 8, Mukura FC ya 8 n’amanota 15 izakira Marines FC ya 10 n’amanota 13 mu gihe Amagaju FC ya 11 n’amanota 12 izasura Sunrise FC ya 6 n’amanota 18, Bugesera ya 14 n’amanota 10 izakira Etincelles FC ya 7 n’amanota16.

Ni mu gihe  ku wa Kane tariki 01 Werurwe 2018, ikipe ya Rayon Sports ya 4 n’amanota 18 izasura Gicumbi FC ya 12 n’amanota 11 naho Espoir FC ya 15 n’amanota 9 izakire Musanze FC  ya 9 n’amanota 13.

 

 

Umwanditsi:

BIZIMANA ERIC

Tanga Igitekerezo

Email yanyu ntigaragazwa ku rubuga. Amazina na Email ni ngombwa.