17°C , Partly cloudy | Kigali-Rwanda

NPC-Rwanda: Hashyizweho Umunyamabanga Nshingwabikorwa mushya

Yanditswe na BUGINGO FIDELE

Ku ya 20-05-2020 saa 17:04:25
Nsengiyumva JMV (iburyo) na Ruzigamanzi Jean Bosco (ibumoso)

Komite y’igihugu y’imikino y’abafite ubumuga mu Rwanda “NPCRwanda” yashyizeho  Umunyamabanga Nshingwabikorwa mushya, Ruzigamanzi Jean  Bosco aho  yasimbuye kuri uyu mwanya,  Nzeyimana Celestin wari uri kuri  uyu mwanya kuva muri 2016.

Tariki 19 Gicurasi 2020 ni bwo ku kicaro cya NPC-Rwanda giherereye i Remera kuri Sitade Amahoro habaye umuhango w’ihererekanyabubasha hagati y’uwari Umunyamabanga Nshingwabikorwa w’agateganyo, Nsengiyumva Jean Marie Vianney n’Umunyamabanga Nshingwabikorwa mushya, Ruzigamanzi Jean Bosco.

Nsengiyumva akaba yari asanzwe ari umuyobozi wa Tekinike muri NPC-Rwanda ndetse akaba n’umutoza wungirije w’ikipe y’igihugu ya Sitting Volleyball mu kiciro cy’abagore. Ruzigamanzi wikoreraga ku giti ke yakoze ahantu hatandukanye harimo Banki y’abaturage (BPR)  na Banki y’u Rwanda itsura Amajyambere (BRD).

Nzeyimana Celestin wanabaye Perezida wa NPC-Rwanda kuva muri 2013 kugeza 2016  yari yahawe uyu mwanya w’Umunyamabanga Nshingwabikorwa  muri Werurwe 2016 ubwo yari amaze gusimburwa na Murema Jean Baptiste ku mwanya wa Perezida wa NPC. Kuva muri Werurwe 2020 ni bwo yasezeye kuri iyi mirimo kubera amasomo arimo gukurikirana hanze y’u Rwanda.

Perezida wa NPC-Rwanda, Murema Jean Baptiste (ibumoso) ari kumwe n’Umunyamabanga Nshingwabikorwa mushya, Ruzigamanzi Jean Bosco (iburyo)

Nzeyimana Celestin wari usanzwe ari Umunyamabanga Nshingwabikorwa wa NPC-Rwanda kuva muri 2016

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.