17°C , Partly cloudy | Kigali-Rwanda

Ngoma:  Habereye igikorwa cyo gutoranya abana bafite impano mu mikino itandukanye

Yanditswe na BUGINGO FIDELE

Ku ya 14-12-2019 saa 09:02:24
Abana bari mu myitozo ya Volleyball

Mu Karere ka Ngoma, muri GS Kabare   kuva tariki 13 Ukuboza 2019 habereye imyitozo yo gushakisha abana bafite impano mu mikino itandukanye irimo Basketball, Volleyball, umupira w’amaguru, Handball ndetse n’imikino ngororamubiri.

Iyi gahunda ikaba yarateguwe n’ishyirahamwe ry’imikino mu mashuri ifatanyije n’amashyirahamwe y’iyi mikino muri rusange. Aba bana bitabiriye imyitozo bari mu kigero k’imyaka 12 kugeza kuri 14.

Iki gikorwa cyo gushakisha abana bafite impamo cyakozwe n’abatoza basanzwe bamenyerewe mu mikino y’abana nka Mutokambai Moise wabaye umutoza mukuru w’ikipe y’igihugu nkuru ya Basketball n’abandi.

Mu bana bitabiriye bagera kuri 444 abazatoranywa bafite impano bazashyirwa mu bigo byatoranijwe aho bazakurikirwa n’abatoza b’inzobere kugira ngo bazamure urwego rwabo.

Mu mupira w’amaguru hitabiriye abahungu 96 n’abakobwa 69, muri Handball   hari  abana 43 b’abahungu n’abakobwa 49. Muri Basketball hitabiriye 50 b’abahungu n’abakobwa 49 mu gihe muri Volleyball hari abahungu 37 n’abakobwa 49.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.